L'altro lato del letto

Da Wikipedia.

C'l artìcul chè 'l è scrit in Miranduléś Emiliàn

El otro lado de la cama
L'altro lato del letto

Ernesto Alterio e la Paz Vega in na figùra dal film
Cl'atra banda dal lèt
2002
Regìa: Emilio Martínez Lázaro
Scritōr: David Serrano
Atōr: Ernesto AlterioPaz VegaNatalia Verbeke
Alberto San JuanGuillermo ToledoMaría Esteve
Ramón BareaNathalie PozaSecun de la Rosa
Blanca MarsillachLeticia DoleraLuis Bermejo
Müsica: Roque Baños
Bernardo Fúster • Luis Mendo
Léngua: Spagnōl
Dürä dal film: 114 minüt
Nasiōṅ: Spaggna


«
Na cumèdia tut sès e divertiment.»
(Tagline dal film)


L'altro lato del letto (Cl'atra banda dal lèt) l'è na cumèdia dal 2002 'd Emilio Martínez Lázaro giràda a Madrid.

Sunt

La Sonia (Paz Vega) l'è na śōvna ch'la s pasa 'l tèmp a pituràr e a far di vistî par na sò amìga ch'la lavóra a teàtar, la Lucía (Nathalie Poza). Al sò muróś al viṿ sèg da soquànt an e al s ciàma Javier (Ernesto Alterio). Al gh'à 'n amìg ad nóm Pedro (Guillermo Toledo) ch'a sò vòlta 'l è impgnâ cun la Paula (Natalia Verbeke). Un dè chi lē la gh diś ch'la s è inamuràda 'd 'n àt'r óm, dònca la stòria fra lōr dū la finìs lè ma in tut al manéri par lē i prévan cuntinuàr listés a èsar di amìg.

Pedro al s fà dal dmandi par psēr imaginàr chi 'l è lò. In gènar al dóni i tórnan sèmpar cun di èx muróś ma la Paula la in gh'iva sōl dū e òṅ 'l è andâ a star in Mèsic e c'l àtar, Daniel (Daniel González) 'l è dvintâ fnòć. Purtròp par lò 'l amànt nóṿ dla sò dóna 'l è Javier ch'al s la gusa ad nascòst in 'n hutèl ma al n gh'à minga 'l curàǵ ad vudàr al sac anc se cl'atra la và sèmp'r adrē. Chi lò al s fà dar in prèst na in muntàgna da na sò èx, la Monica (Blanca Marsillach), parchè 'l à prumìs a la Paula ad pasàr un fiṅ 'd stmana sèg, po al próa anc a śibìr-ag Pedro esénd che lē l'è incóra puta. Ma chi lò in cal méntar 'l à dâ 'l incàrag a 'n investigadōr privâ, Antonio Sagaz (Ramón Barea), ad tgnir adrē a la Monica par bcar al sò rivàl in amōr. E Sagaz 'l à tirâ śò i dū amànt mént'r i s baśàvan.

Culegamènt estéran