L'altro delitto

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dead Again
L'altro delitto
Altro delitto.png
Robin Williams in na figùra dal film
C'l àtar delìt
1991
Regìa: Kenneth Branagh
Scritōr: Scott Frank
Atōr: Kenneth BranaghEmma Thompson
Andy GarciaDerek JacobiHanna Schygulla
Robin WilliamsWayne KnightCampbell Scott
Müsica: Patrick Doyle
Léngua: Ingléś
Dürä dal film: 107 minüt
Nasiōṅ: Stat UnîRégn Unî


«
Quànti vòlti s pōl murìr p'r amōr?»
(Tagline dal film)


L'altro delitto (C'l àtar delìt) 'l è 'n thriller dal 1991 ad Kenneth Branagh ch'al gh rècita anc. 'L è stâ prudót par Sydney Pollack e 'l è stâ preśentâ a 'l 42śum Fèstival ad Berlîṅ in dua Branagh 'l è stâ numinâ par vìns'r al prèmi par la regìa.

Custâ quìndas migliòṅ ad dòlar a 'l incìrca, al 'n à pò purtâ a cà trént'òt.

Sunt

1949: al cumpuśidōr Roman Strauss (Kenneth Branagh) al vèṅ cundanâ a mòrt p'r avēr masâ c'n un para 'd fòrbis sò mujér Margaret (Emma Thompson), na famóśa sunadōra 'd piàṅ. Prima 'd murìr Strauss al s davśìna a 'l uréć ad Gray Baker (Andy Garcia), un giurnalìsta ch'l iva butâ 'l òć su sò mujér, par dir-ag quèl, a pâr acsè.

Los Angeles, dè 'd incō: Mike Church (Kenneth Branagh), investigadōr privâ, al próa a capìr chi la sia dabòṅ la Grace (Emma Thompson), na dóna ch'la fà dimóndi fadìga a 'rcurdàr al sò pasâ e ch'la gh'à di arbgàt ad cuntìnuv su la famìja 'd sunadōr di Strauss, tut dū mòrt quarànt' an prima. In di sò insùni la Grace la créd 'd èsar pròpria la Margaret.

P'r andàr-'g a fónd Mike e la Grace i dmànd'n ajùt a Franklyn Madson (Derek Jacobi), 'n antiquàri strâṅ ch'al s dà da far cun 'l ipnutìśum, e a 'n psicòlug falî, al dutōr Cozy Carlisle (Robin Williams). A pâr acsè che gl'arbgàt ch'a gh'à la dóna i sìan ligâ a na sò vita precedènta, qvéla dla Margaret Strauss. Par dimóndi quèi a gh sém anc ma la Grace la n gh la cava pròpria briśa a véd'r al sò masamènt.

Mike al và avànti cun gl'indàśin e al gh la cava a catàr Gray Baker, ardùt in cal mént'r a 'n vèć malâ. Chi lò al gh cònta che Roman, prima 'd murìr, al n gh'iva dit gnint ma sōl dâ 'n baś. Piutòst a savēr la véra a prév èsar la dóna di fat di Strauss, l’Inga (Hanna Schygulla). Chi lē adès l'è dvintàda vècia e la gh'à na butéga 'd antiquariâ insém a sò fiōl.

Culegamènt estéran