L'abominevole dottor Phibes
|
C'l artìcul chè 'l è scrit in
Miranduléś |
 The Abominable Dr. Phibes
| ||
| L'abominevole dottor Phibes | ||
 Cotten, la North e Price in na figùra dal film | ||
| 'L abuminévul dutōr Phibes 1971 | ||
|---|---|---|
| Regìa: Robert Fuest | ||
| Scritōr: James Whiton • William Goldstein | ||
| Atōr: Vincent Price • Joseph Cotten • Alex Scott Hugh Griffith • Peter Jeffrey • Terry-Thomas Virginia North • Sean Bury • Maurice Kaufmann Susan Travers • Norman Jones • John Cater | ||
| Müsica: Basil Kirchin | ||
| Léngua: Ingléś | ||
| Dürä dal film: 94 minüt | ||
| Nasiōṅ: Régn Unî • Stat Unî | ||
L'abominevole dottor Phibes (’L abuminévul dutōr Phibes) 'l è 'n film ad scarésa britànic e americàṅ dal 1971 ad Robert Fuest. Par cla pelìcula chè, ch'la gh'à abû 'n séguit 'l an dòp da 'l tìtul Frustrazione, al prutagunìsta Vincent Price 'l è stâ premiâ cuma atōr mijór a 'l Fèstival ad Sitges.
Par mét'r in òpra i sò masamènt, Phibes al cata ispirasiòṅ in dal Déś Piàghi 'd Egìt acsè cuma cuntàdi in dal Vèć Testamènt.
Sunt
Al sunadōr 'd òrgan e dutōr in mùśica e teulugìa Anton Phibes (Vincent Price), cardû mòrt in 'n incidènt in màchina, 'l è invéci incóra viṿ ma 'l è armàś uféś in dla ghigna tant che par lugàr al sò fridi ch'i faṅ scarésa al pòrta na mascra e na pirùca in cô. Inólt'r al stà sèmpar sarâ in dla sò vila insém a la sò asistènta Vulnavia (Virginia North) e 'l pōl dascórar sōl tacànd un tub a la góla culegâ a 'n gramòfun.
Quànd sò mujér Victoria Regina (Caroline Munro) la mōr sóta i fèr durànt 'n intervènt a 'l uśdàł, Phibes al dà la cólpa a i cirùśìg dal staff mèdag e a la sò infarméra Allen (Susan Travers). Par vindicàr-'s ad lōr, al decìd ad far-'g-la pagàr cupànd-i òṅ a òṅ tgnénd a mènt al piàghi 'd Egìt cuntàndi in dla Bìbia.
Dòp i prim tri masamènt, druànd dal béghi e di papastrèi e lasànd al dr. Longstreet (Terry-Thomas) sénsa sànguv, 'l ispetōr Trout (Peter Jeffrey) al s mét finalmènt in mòt e 'l fà a mènt che tut tri i lauràvan p'r al dr. Vesalius (Joseph Cotten).