Frustrazione (film 1972)

Da Wikipedia.

C'l artìcul chè 'l è scrit in Miranduléś Emiliàn

Dr. Phibes Rises Again
Frustrazione

Vincent Price in na figùra dal film
Frustrasiòṅ
1972
Regìa: Robert Fuest
Scritōr: Robert Fuest • Robert Blees
James Whiton • William Goldstein
Atōr: Vincent PriceRobert QuarryBeryl Reid
Peter CushingPeter JeffreyFiona Lewis
Müsica: John Gale
Léngua: Ingléś
Dürä dal film: 89 minüt
Nasiōṅ: Régn UnîStat Unî


«
I n aṅ minga fat na casa da mòrt ch'la pòsta tgnir-al!»
(Tagline dal film)


Frustrazione (Frustrasiòṅ) 'l è 'n film ad scarésa britànic e americàṅ dal 1972 ad Robert Fuest. Par cla pelìcula chè, séguit ad L'abominevole dottor Phibes d'l an prima, al regìsta 'l è stâ premiâ a 'l Fèstival ad Sitges.

Sunt

Al dutōr Anton Phibes (Vincent Price), dòp èsar-'s pòst in animasiòṅ suspéśa spetànd che la Luna la s mitìs in riga cun chi àtar pianēd dal sistéma sulàr, al s déśda da 'l sò són par pruàr a dar incóra la vita a sò mujér Victoria (Caroline Munro) druànd l'àqua dal fiùm dla vita ch'al s cata lugâ a 'l intéran 'd un santuàri in Egìt sóta la tómba 'd un faraòṅ. A jutàr-'l a gh'è incóra la sò asistènta Vulnavia (Valli Kemp).

Ma 'l stés piàṅ al gh 'l à anc Darius Biederbeck (Robert Quarry), un tisi ch'l è scampâ di sécui bvénd ch'l'eliśìr lè e ch'adès al vōl druàr l'àqua dal fiùm sōl par lò e par la sò amànta Diana (Fiona Lewis). Insém i partìsan par l'Àfrica cun sèg al sò asistènt, Harry Ambrose (Hugh Griffith). Chi lò però al fà subìt na bruta fiṅ, masâ da Phibes in parsòna. 'L ispetōr Trout (Peter Jeffrey) al cata 'l sò còrp insfilsâ dènt'r a na butìglia in di dintór'n ad Southampton. Al cumisàri e 'l suvrintendènt Waverley (John Cater) i capìsan ch'a gh'è insaplâ Phibes e i gh tìn'n adrē in fiṅ in Egìt.

Culegamènt estéran