Justin Trudeau

Da Wikipedia.

C'l artìcul chè 'l è scrit in Miranduléś Emiliàn

Trudeau tòlt śò in dal 2016


Justin Pierre James Trudeau, cgnusû méj cuma Justin Trudeau (Ottawa, 25 ad Dicémbar dal 1971, a s lèś [ʒyˈstœ̃ pjɛʁ dʒejms tryˈdoː] in francéś) 'l è 'n pulìtig canadéś, cap dal Partî Liberàł dal Cànada e 23śum prim minìstar dal sò paéś.

Biugrafìa

Nâ 'l dè 'd Nadâł dal 1971, Justin 'l è 'l prim fiōl d'l èx premier canadéś Pierre Trudeau e 'd sò mujér Margaret Sinclair. Dòp èsar-'s laureâ a l'università McGill in dal 1994 e in qvéla dla British Columbia in dal 1998, Trudeau al taca a insgnàr a Vancouver cuntinuànd incóra i sò studi da inśgnēr e ciapànd pò un master in geugrafìa.

Òt an dòp la mòrt ad sò pàd'r al taca na caréra pulìtiga vgnénd elét par la prima vòlta mémbar dal Parlamènt in dal 2008. Al 14 'd Avrìl dal 2013 al vins la cursa p'r al cuntròl dal Partî Liberàł dvintànd anc prim minìstar dū an dòp c'n al 39,5% di vōt e 184 séǵ su 338. Trudeau 'l è andâ fòrt specialmènt su la còsta èst dal paéś faghénd al pîṅ in dal Cànada atlàntic e a Turònt e ciapànd anc quarànta séǵ in Québec.

'L è spuśâ cun la Sophie Grégoire. In dal 2016 'l è finî su la cupertìna 'd un fumét dla Marvel vistî da pùgil in mèś a tri mémbar di Alpha Flight, al nâṅ Puck, Sasquatch e cla vacàsa dl'Aurora[1].

Nòti