Jasper (Tèxas)

Da Wikipedia.
C'l artìcul chè 'l è scrit in Miranduléś Emiliàn
Al sèntar dal paéś


Jasper (a s lèś /ˈdʒæspər/ in ingléś) 'l è 'n cumùn di Stat Unî ad setmìla-siesènt abitànt a 'l incìrca ch'al s cata in dal stat dal Tèxas, in dla cuntèa 'd Jasper darènt a la Luiśiàna.

Al ciàpa 'l sò nóm in unōr ad William Jasper, suldâ eròe dla Rivulusiòṅ Americàna. Al cumùn 'l è purtâ avànti da 'n cunsìli ad sinc mémbar più 'n sìndig e 'n city manager.

Obama c'n i parènt ad Byrd e 'd Shepard

Al sò clima al và da i 8,3 grâd mèdi in Śnar a i 27,2 'd Agóst. Tut i an a Jasper, in dla prima dménga 'd Utóbar, a gh'è 'n fèstival par selebràr la parpàja „munàrca“, insèt nasiunàl.

In dal 1998 cal cumùn chè 'l è dvintâ famóś in di Stat Unî par 'l umisìdi ad James Byrd Jr., un négar ligâ cun dal cadéni dadrē a 'n pick-up guidâ par tri biànc e traśâ su 'l asfàlt a mòrt par dū chilómet'r e mèś. La sò mòrt, misa insém a qvéla dal gay Matthew Shepard turturâ in Wyoming parchè fnòć, 'l à purtâ 'l presidènt Barack Obama a far na risulusiòṅ ciamàda „Matthew Shepard and James Byrd, Jr. Hate Crimes Prevention Act“ par cumbàtar méj i crìmin 'd òdi in di Stat Unî.

Culegamènt estéran