Iris - Un amore vero

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Video-x-generic.svg Iris
Iris - Un amore vero
Iris - Un amore vero.png
La Kate Winslet in na figùra dal film
Iris - Un amōr vēr
2001
Regia: Richard Eyre
Scritùr: John Bayley
Atùr: Judi DenchKate WinsletSamuel West
Jim BroadbentHugh BonnevilleJuliet Aubrey
Penelope WiltonKris MarshallTimothy West
Müsica: James Horner
Lengua: Ingléś
Dürä dal film: 99 minüt
Nasiòṅ: Régn Unî


Iris - Un amore vero (Iris - Un amōr vēr) 'l è 'n film biogràfic dramàtic e sentimentèl dal 2001 ed Richard Eyre, ispirê a 'l biografìi ed John Bayley in sìm'a só mujēr Iris Murdoch "Iris: A Memoir" e "Elegy for Iris". Al film al ciapèva soquànt arcgnusimèint p'r el brevitù in dal recitèr di só atōr, c'ma 'l Prèmi Òscar per Jim Broadbent.

Sunt

Al film al còunta masimamèint la fadìga edla còpia di du spōś ansiàṅ quand ala mujēr Iris (Judi Dench) a gh'vin piàṅ piàṅ 'l Alzheimer e a 'l marì John (Jim Broadbent) a gh'tòca présti 'd jutèrla in tùt.
Da scritóra ed còunt dimòndi alśùda, ch'la scrivìva anc di pinsér filośòfic e morèl, a 'n sert punt i du spōś a gh'tòca adères che lē la nn'arcgnùs più soquànti paróli ch'i gh'servìsen in dl ùltem lìber lè lè drē a scrìver. I arcòrd i cùrn indrē in dal tèimp, da quand lò (Hugh Bonneville), studèint timid, 'l iva incuntrê per la prìma volta l′Iris da śóvna (Kate Winslet), cun la só brilantèsa e vója ed viver, sàinsa trópi inibisiòun. A chi tèimp là l'era sàinsa dùbi lē, ch'la descantèva John dala só interèsa da mêś ai amìg, e che però la gh'gìva anc che lò 'l era tùt al só mònd.
A tucarà capìr perchè adês a l′Iris i gh'sparìs'n el paróli, perchè la n'gh'la chèva più 'd arcurdères soquànt nòm anc facil, lē ch'l'ìva sàimper publichê di lìber e parlê a dal conferèinsi.
Vivr adês in in cla cundisiòun lè a vōl dìr anc che col tèimp, l′Iris la n'sà più fèr da magnèr, la n'fà più i fât ed e la se śmèindga in còsa. John dal rest, a l'antìga cum 'l ē, al n'è brìśa tante bòun ed tgnìr adrē ala cà.
Un dè che l′Iris l'era a séder a guardèr i Teletubbies ala televiśiòun, a chelē a gh'vin 'l istìnt ed scapèr fóra da 'l ùs e a John a gh'vin na bèla pavùra che lē l'è drē a mètres in perìcol in dal trafic edla sitê. Al gh'cùr adrē in màchina mo a n'gh'è vers ed catèrla in nisùn cantòun. Più terdi al gh'la porta a cà un só vêć amìg ed gioventù ch'al l'ìva catèda persa ind un negòsi.
Pòc più in là a mōr anc la mijóra amìga edl′Iris, la Janet (Penelope Wilton), e ai du spōś a gh'tòca 'd andèr a 'l só funerèl. Lè l′Iris la s mèt a sighèr e a fèr dla féra rabìda, perchè lē la gh'evlìva dimòndi bèin, ala Janet, e 'd lung ala strèda per turnèr a cà, incòr rabìda, lē la sćiancarèv vìa al volànt da 'l maṅ ed John. Per furtùna, i dū ṿcìn i n's establìsen minga in 'n incidèint ed strèda, mo i finìsen 'l istès arbaltê fóra da l'àvto per tèra ind un buschèt lè 'd fiànc: per un mumèint a parrèv anc bèl, armàgner lè per tèra a cûl a sù a śminghèrs ed tut al rest, mo ala nòt, a John a gh'partìs l'arlìa vers só mujér, e alóra dèintr in dal lêt al gh'sìga adòs edla rója, incòr gelōś ed tùt i amànt che lē la gh'ìva avû da śóvna.
I dutōr e i asistèint socêl i n'dàn minga tanti iluśiòun a John, e a cunvgnarèv ansi che l′Iris l'andìs in strutùra, che acsè anc John al s arsorarèv e lē la catarèv un pò più 'd órdin dintórna.

Colegamèint estèren