Ipnosi (film)
|
C'l artìcul chè 'l è scrit in
Miranduléś |
 Nur tote Zeugen schweigen
| ||
| Ipnosi | ||
.png) La Rossi Drago e Sorel in na figùra dal film | ||
| Ipnóśi 1962 | ||
|---|---|---|
| Regìa: Eugenio Martín | ||
| Scritōr: Gabriel Moreno Burgos Eugenio Martín • Gerhard Schmidt Giuseppe Mangione • Francis Niewal | ||
| Atōr: Jean Sorel • Götz George • Margot Trooger Heinz Drache • Werner Peters • Massimo Serato Eleonora Rossi Drago • Ana María Montaner | ||
| Müsica: Angelo Francesco Lavagnino Francesco De Masi • Roman Vlad | ||
| Léngua: Itagliàṅ • Tedésc • Spagnōl | ||
| Dürä dal film: 86 minüt | ||
| Nasiōṅ: Itàglia • Germàgna • Spaggna | ||
Ipnosi (Ipnóśi) 'l è 'n thriller dal 1962 'd Eugenio Martín, ispirâ in na quàlc manéra a l'òpra „Al trapèsi dla vita“ ad Douglas Sirk.
Sunt
Chris Kronberger (Götz George) 'l è 'n śōvan ch'al fà 'l pùgil in dal tèmp lìbar. Tut al siri al pòrta 'd nascòst un mas ad róśi a la Magda Berger (Eleonora Rossi Drago), na dóna ch'la lavóra insém a 'l sò amànt vintrìluqṿ Georg von Cramers (Massimo Serato) in un spetàcul 'd ipnutìśum ad sucès, fat druànd un putòć ciamâ Grog.
Na sira Chris, méntar 'l è in dal camarèṅ ad Georg, al fà a mènt a na scatlìna 'd légn in du a gh'è dèntar di bèsi. Esénd un buletàri patintâ, sénsa 'n lavōr fis, al śōvan al decìd ad purtàr-i via ma a 'l impruvìś a riva 'l vintrìluqṿ ch'l al bèca lugâ da drē da na ténda. Par psēr scapàr via Chris al gh dà 'n cuć ch'al fà strabucàr a 'l indrē Georg che pò al ciàpa incòst a na scrana instrurlànd-as e pardénd i sèns. Mént'r al pùgil al cur via, cun di testimòni ch'i 'l aṅ vist in dal grugn, in dal camarèṅ a riva Erik Stein (Jean Sorel), asistènt ad Georg, ch'al tōś un bastòṅ par masàr-al méntar 'l è par tèra incóra inśmî. Al mutìṿ ad cal masamènt chè 'l è che Erik 'l è inamurâ dla sò dóna e invisióś dal sò sucès e adès al gh'iva la manéra ad far fóra 'l sò rivàł dand la cólpa a 'l furastēr in fuga.
'L ispetōr Kaufmann (Heinz Drache) al taca a dar la casa a Chris e, par bcar-al, al s mét a tgnir adrē a sò surèla, la Karin (Mara Cruz). Chi lē l'è sicùra che sò fradèl al sia inusènt méntar Chris, lśénd i giurnài in du a gh'è scrit ch'al cadàvar 'l è stâ catâ da Erik, al capìs ch'al sasèṅ 'l è pròpria lò e 'l decìd ad ricatàr-al.
In cal mént'r al putòć ad Grog al sparìs.