Intēr coprìm

Da Wikipedia.

C'l artìcol chè 'l è scrit in Carpśàn Emiliàn

In dla matemâtica, i nùmer intēr a e b i s dìśen coprìm (o anca prìm tra 'd lōr o anca relativamèint prìm) se e sōl se i n' gh'àn nisùn diviśōr in cumùn fóra edl 1 e dal -1 o, a la stèsa manéra, se 'l só màsim cumùn diviśōr 'l è 'l 1.

P'r eśèimpi, 6 e 35 egl'ìn coprìm (vìst che 'l 6 al s divìd p'r al 2 e p'r al 3, mèinter che 'l 35 al s divìd p'r al 5 e 'l 7), mo 6 e 27 i n'l ìn mìnga, perchè tùt e dū egl'ìn diviśìbil anca p'r al 3.

'L 1 'l è coprìm cun tùt i nùmer intēr; al 0 'l è coprìm sōl cun 'l 1 e c'n al -1.

Na manéra śvélta per catèr se dū nùmer j ìn coprìm, al la dà 'l algorìt'm edl Euclìde.

Vóś lighèdi