Indipendentîxum lunbêrd

St’artéchel ché ’l é stê scret int la koinè Emijana.

Al indipendentîxum lunbêrd ’l é cl’idej puletga ch’la vaul l’institusioun d on Stê, pió u manch suvran, par la Lunbardie e, eventualmaint, pr el têr lunbardôfen e sturicamaint lunbêrdi.

Del vault al é asusiê e ’l dariva d’al nasiunalîxum lunbêrd, mo a j·é incoara dl arclamasioun soul ed ourden econômghi e susiêli sainsa specefga cunsidrasioun ed nasiunalitê.

Al é inveisi dimondi lighê a’l avtonomîxum lunbêrd, tant che pió ’d na vaulta l’é gnû fôra n’ideuluxie cunpata ch’l’à armixdê i elemeint dal indipendentîxum e dl’avtonomie, ch’l’é stê ciamê de queidon avtoguarnîxum e, a boun count, as paulen cunsidrêr istoricamaint cunpagn stra ’d lour. A j·é anch un boun ligam str’al muvimaint pr al avtoguêren lunbêrd es al federalîxum itajan.