Indianàpulis
|
C'l artìcul chè 'l è scrit in
Miranduléś |
Indianàpulis (Indianapolis in ingléś, dal vòlti scurtâ in Indy, a s lèś /ˌɪndi.əˈnæpəlᵻs/) l'è na sità di Stat Unî e la capitàl dal stat d'l Indiàna. C'n i sò utsènt-sinquantamìla abitànt a 'l incìrca l'è 'l 14śum sèntar più grand dla federasiòṅ e la tèrsa sità più impurtànta dal midwest dòp Chicago e Detroit. La s cata in dla cuntèa 'd Marion.
Indianàpulis, ch'la gh'à na superfìsi 'd 953,5 km², l'è stada fundàda in dal 1821 e 'l sò clima 'l è cuntinentàł. La sità l'è famóśa p'r al sò sircùit automobilìstic in du a s cur la 500 Mia, al gari dal campiunâ 'd motociclìśum e, in pasâ, anc qvéli 'd Formula 1.
Tgnénd adrē a i dat dal cesimènt dal 2010 la sò pupulasiòṅ la mét insém un 61,8% ad biànc, un 27,5% ad négar, un 9,4% 'd ispànig e 'n 2,1% 'd aśiàtic.
L'ecunumìa 'd Indianàpulis la pōl cuntàr su l'indùstria (speciamènt qvéla dal madśìni, di mutōr e di aparéć), su i servìsi sanitàri e suciài e su 'l cumèrs di negòsi.
Al sò sìndig, da 'l 2016, 'l è 'l demucràtic Joe Hogsett dòp che par trént'an e pasa, da 'l 1967 in fiṅ a 'l 1999, l'éra stada in dal maṅ di republicàṅ.
Persunàǵ ligâ a Indianàpulis
- Wes Montgomery, chitarìsta jazz
- Adam Lambert, cantànt e atōr
- Brendan Fraser, atōr
- Frances Farmer, atōra ch'a gh'è mòrta
- David Letterman, cundutōr televiśìṿ
- John Dillinger, criminàł