Immuni

Da Wikipedia.

C'l artìcul chè 'l è scrit in Miranduléś Emiliàn

Un diségn dal SARS-CoV-2


Immuni l'è n'aplicasiòṅ mòbila a gràtis itagliàna, purtàda avànti da 'l Ministēr par la salùt, fata da la milanéśa Bending Spoons par tgnir adrē a la pandemìa dal COVID-19 dal 2020 in Itàglia e par jutàr al munituràǵ di caś tirànd śò i cuntàt di cuntagiâ. La App la gh'è in itagliàṅ mo anc in ingléś e in tedésc e la s pōl dascargàr da 'l 1 ad Śugn dal 2020.

Al fat ad druàr la app 'l è vuluntàri ma 'l è dimóndi ùtil par cumbàt'r al cuntâǵ. Immuni l'è fata par tgnir dimóndi in cònt la privacy dal parsòni e tut i dat memuriśâ in di telefunèṅ e in di server ministeriài i saràṅ scanślâ quànd la pandemìa la sarà finìda, in tut al manéri prima dal 31 ad Dicémbar dal 2020.

La app la funsióna nutànd da par lē, dasfrutànd un bluetooth alśēr, i telefunèṅ ch'i s èṅ davśinâ in dal raǵ 'd un métar a qvél d'l utènt. S'in séguit òṅ di cuntàt riśùltâ malâ al ségna 'd avēr ciapâ al SARS-CoV-2 a rivâ pò 'n mesàǵ a 'l utènt ch'al pōl acsè métar-'s in cuntàt c'n al sò dutōr par far un tampòṅ.

A 'l inìsi Immuni l'à fat muntàr al pulèmichi parchè la druàva dal figùri ch'i fàvan védar 'n óm ch'al lauràva a 'l computer méntar na dóna la tgniva adrē a 'l sò putèṅ[1] inóltar chi lē la 'l cunàva darènt a la fnèstra cuma na màdar sénsa critèri[2]. Soquànt pulìtig i s èṅ però rifiutâ ad dascargàr-la[3] par la privacy[4] e parchè la libertà la n è minga in véndida[5].

Culegamènt estéran

Nòti