Il ritorno dei pomodori assassini
|
C'l artìcul chè 'l è scrit in
Miranduléś |
 Return of the Killer Tomatoes!
| ||
| Il ritorno dei pomodori assassini | ||
 Clooney e la Karen M. Waldron in na figùra dal film | ||
| Al ritóran di pamdòr sasèṅ 1988 | ||
|---|---|---|
| Regìa: John De Bello | ||
| Scritōr: Stephen Andrich • John De Bello Costa Dillon • J. Stephen Peace | ||
| Atōr: Anthony Starke • George Clooney • John Astin Karen M. Waldron • Steve Lundquist • Charlie Jones J. Stephen Peace • Michael Villani • Frank Davis | ||
| Müsica: Neal Fox • Rick Patterson | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî | ||
Il ritorno dei pomodori assassini (Al ritóran di pamdòr sasèṅ) l'è na cumèdia americàna dal 1988 ad John De Bello, séguit dal film L'attacco dei pomodori assassini dal 1978.
La pelìcula l'à fat sù sinc migliòṅ ad dòlar in di Stat Unî. In dla part 'd Igor a gh'è al nudadōr biundèṅ americàṅ Steve Lundquist, vinsidōr ad dū mdàj 'd òr a i śōg ulìmpig ad Los Angeles dal 1984.
Sunt
Dòp soquànt an da la guèra fata da i pamdòr a i Stat Unî, l'Amèrica adès l'è a 'l sicûr dòp che cal vardùri lè i èṅ stadi misi a 'l band, anc se 'n quàlc traficànt ad cuntrabànd a gh'è sèmpar. Wilbur Finletter (Steve Peace), eróe dla batàja fata a i pamdòr, adès 'l à vèrt na piserìa insém a sò anvōd Chad (Anthony Starke) ch'al s fà càr'g ad purtàr al pizzi a cà di cliènt, pizzi fati sénsa pamdòr ma cun di àt'r ingrediènt cuma la marmelàda 'd fràguli. Al ragàs al spartìs al sò apartamènt c'n al sò amìg Matt Stevens (George Clooney).
Foravìa al prufesōr Mortimer Gangreen (John Astin) insém a 'l sò asistènt Igor (Steve Lundquist) i vōlan dar via a n'atra undàda 'd terōr di pamdòr par via 'd un machinàri ch'l è bòṅ ad trasfurmàr chi urtàǵ lè in parsòni a 'l sò servìsi in manéra ad far dvintàr pò al sò sòci Jim Richardson (Rick Rockwell) presidènt di Stat Unî. Quànd al prufesōr al fà butàr via un pamdòr vgnû mâł, FT, la sò sarvidōr Tara Boumdeay (Karen M. Waldron), trasfurmàda anc lē da 'n pamdòr, la s in và par pò dvintàr la muróśa 'd Chad. Insém a Matt e a di àtar sò amìg, chi lōr dū i pruaràṅ a farmàr i piàṅ dal prufesōr.