Il rito

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Riten
Il rito
Rito.png
L'Ingrid Thulin in na figùra dal film
Al rît
1969
Regia: Ingmar Bergman
Scritùr: Ingmar Bergman
Atùr: Ingrid ThulinGunnar Björnstrand
Anders EkErik HellIngmar Bergman
Müsica: Pierre Fournier
Lengua: Śvedéś
Dürä dal film: 72 minüt
Nasiòṅ: Śvèsia


«
Al film ch'l à squasâ la Śvèsia.»
(Tagline dal film)


Il rito (Al rît) 'l è 'n film dramàtic śvedéś dal 1969 'd Ingmar Bergman girâ in biànc e négar, tut in intéran, par la televiśiòṅ.

'L è divìś in nóṿ séni.

Sunt

'L è 'l 13 ad Mars dal 1968 e 'l giùdas Ernst Abrahamsson (Erik Hell) al gh'à da tgnir adrē a 'l caś 'd un spetàcul pùblic impinî ad purcarìi fat da 'n grup ad tri còmig ciamâ "Les riens" ("I gnint") e par cal mutìṿ lè bèla multâ. Par far dal dmandi a gl'indagâ, al cap Hans Winkelmann (Gunnar Björnstrand), sò mujér Claudia Monteverdi ch'la s fà ciamàr Thea (Ingrid Thulin) e Sebastian Fischer (Anders Ek), al i fà vgnir da lò. Al vîṅ acsè a savēr che 'l ebrèj Sebastian, ch'al gh'iva na mujér itagliàna ch'la vivìva in Egìt e ch'l à anc masâ 'n sò amànt masć, al và a lèt cun la Thea ma 'l fà fadìga a dar-'g al gudiōl. Hans al sà incòsa tant ch'al gh paga anc la cambra d'l albêrg. A 'l inìsi Sebastian al gh in diś at tut i culōr a 'l giùdas, ch'l è muśnènt, ch'al pusa cuma 'n éndas e ch'l è sèmpar mój 'd sudōr, a s véd da 'l culét dla camìśa. Ernst, ch'al gh'à cal prubléma fìśic lè, al sènt al biśógn 'd andàr a cunfesàr-as da 'n prevòstar (Ingmar Bergman).

La Thea la gh'à paùra 'd ès'r interugàda da par lē parchè la gh'à di atàc ad pànig, Hans al śibìs di bèsi a 'l giùdas par lasàr-la fóra da tut ma lò al sćiànca 'l aségn. Quànd lē l'è là 'l óm prima al lèś di sò apûnt, pò al gh salta adòs e al la viulénta.

Par la cumpagnìa al ròbi i s métan mâł parchè i sò spetàcui i vènan scanślâ dapartùt a part l'Itàglia. Hans al s è pò stufâ ad dar di bèsi a cal buletàri 'd Sebastian e al gh al diś ciàr e tónd. Finalmènt l'è óra 'd far véd'r al spetàcul a 'l giùdas che però al mōr 'd infàrt in dal méntar. Les riens i partìsan par na vacànsa e pò i decìdan 'd a n turnàr piò in dal sò paéś.

Culegamènt estéran