Il prato macchiato di rosso
|
C'l artìcul chè 'l è scrit in
Miranduléś |
 Il prato macchiato di rosso
| ||
 Dalla, la Boschero, Willing, la Caroli, la Malfatti, Biava e la Marzano in na figùra dal film | ||
| Al prâ maciâ ad rós 1972 | ||
|---|---|---|
| Regìa: Riccardo Ghione | ||
| Scritōr: Riccardo Ghione | ||
| Atōr: Marina Malfatti • Nino Castelnuovo Lucio Dalla • George Willing • Barbara Marzano Claudio Biava • Daniela Caroli • Enzo Tarascio | ||
| Müsica: Teo Usuelli | ||
| Léngua: Itagliàn | ||
| Dürä dal film: 91 minüt | ||
| Nasiōṅ: Itàglia | ||
Il prato macchiato di rosso (Al prâ maciâ ad rós) 'l è un film ad scarésa ad Riccardo Ghione girâ in dal 1972 tut in Emégglia-Rumâgna a Fiurinsöla e a Castél Arcuà e gnû fóra in dal 1975.
Al tìtul pruviśòri pinsâ par la pelìcula 'l éra Vampiro 2000.
Sunt
'N agìnt d'l UNESCO (Nino Castelnuovo), pulisiòt in segrét, al s rént cònt ch'in na butìglia ad vèṅ ch'la riva da l'Itâglia a gh'è dèntar dal sangṿ. In cal mèntar dū fiōi di fiōr, Max (George Willing) e la sò muróśa (Daniela Caroli), i cgnósan girànd par l'Emìglia un sèrt Alfiero (Claudio Biava) ch'al gh dà 'n pasàǵ in màchina purtànd-i sèg a Piacénsa in dla vila ad sò surèla Nina Genovese (Marina Malfatti), na dóna pîna ad bèsi, e ad sò marè Antonio (Enzo Tarascio), 'n inventōr ad quèi stravagànt.
Chi dū hippies lè i càtan là anc di àtar persunàǵ strân cuma na sigàgna (Barbara Marzano), ch'la n fà gnanc in tèmp a dir na paròla che subìt la śgranfgna quèl da 'n casét, na putàna (Dominique Boschero) e 'n barbòṅ imbariagòs (Lucio Dalla). Al padròṅ ad cà al diś che lò 'l è sòlit métar via dal vèṅ e ch'a gh piàś tgnir sèg dla gint particulàra e śóvna. Invéci 'l è un mat ch'al gh'à un robot ch'l è bòṅ ad ciuciàr via 'l sangṿ a i còrp umàṅ. Sò mujér invéci la pénsa sōl a vénd'r-al imbutigliâ, par muciàr sù dimóndi bèsi, e par far-al la pésca dla gint ch'la n vâl na cica, gint che ninsòṅ a pescarà mai.