Il merlo maschio

Da Wikipedia.

C'l artìcul chè 'l è scrit in Miranduléś Emiliàn

Il merlo maschio

La Antonelli e Buzzanca in na figùra dal film
Al mérul masć
1971
Regìa: Pasquale Festa Campanile
Scritōr: Luciano Bianciardi
Pasquale Festa Campanile
Atōr: Lando BuzzancaLaura Antonelli
Lino ToffoloGianrico TedeschiFelicita Fanny
Luciano BianciardiPietro TordiCorrado Olmi
Müsica: Riz Ortolani
Léngua: ItagliàṅVènet
Dürä dal film: 104 minüt
Nasiōṅ: Itàglia


«
Vistìda l'éra na dóna nurmàla... però cuma al la preśentàva sò marè l'éra 'n quèl fóra da 'l cumùṅ!»
(Tagline dal film)


Il merlo maschio (Al mérul masć) l'è na cumèdia dramàtica e eròtica dal 1971 ad Pasquale Festa Campanile trat da 'l racònt Il complesso di Loth ad Luciano Bianciardi ad tri an prima.

Sunt

Niccolò Vivaldi (Lando Buzzanca) 'l è 'n sunadōr ad viulunsèl ch'al lavóra par n'urchèstra ch'la s śibìs a l'Aréna 'd Veróna. Al sò diretōr (Gianrico Tedeschi) al gh dà sèmp'r adòs anc par via di schèrs ch'a gh fà 'l sò culéga Cavalmoretti (Lino Toffolo). Niccolò al patìs dimóndi al fat che tut i faṅ fadìga a far-'g a mènt o arcurdàr-'s ad lò o 'l sò nóm. Dal vòlti anc sò mujēr Costanza (Laura Antonelli), raśdóra vèneta cun mâł a la schina crònig che lò 'l à cunquistâ sćiflànd i cant dal mérul masć in amōr in un cuncōrs a teàtar, la gh'à chi prubléma chè sèg. Al sò psicanalìsta (Ferruccio De Ceresa) al gh diś ch'l è frustrâ e ch'al pénsa 'd valēr manc dl'atra gint e ch'al patìs al fat ad sunàr un strumènt ch'al tîṅ adrē a chi àtar strumènt e al n è mai prutagunìsta.

Par curàr in na quàlc manéra i distùr'b ad sò mujēr, Niccolò al la pòrta a Säls par far-ag far di sfrēg cun la śmalta. Vdénd al dutōr ch'al la vìśita (Pietro Tordi) ch'al gh cala śò 'l regipèt, al sunadōr al pénsa ch'al mèdag al gh catìs gust a guardàr-'g al téti ma anc a lò a gh piàś che di furastēr i dàgan 'n òć a la sò dóna cavàda śò parchè 'l è cuntènt 'd ès'r invidiâ acsè tant da chi àt'r óm, lò che prima ninsòṅ al 'l à mai tgnû in cunsidèrasiòṅ in gnint.

Niccolò al dà la śdòrmia a sò mujēr, pò al gh fà dal fóto nudi da far véd'r a Cavalmoretti e da pasàr anc a na rivìsta pòran par publicàr-li. Par la vargóggna la Costanza la decìd ad tōr-as la vita ma a 'l ùltim sò marè al la salva. Niccolò al scriv su 'l sò diàri che par lò 'l màsim a sarév che sò mujēr la cantìs in dal côr dla prima dl'Aida, in du al gh'à da sunàr lò, e che méntar tut i spetadōr i la guàrdan lē la s faśìs cascàr śò la vésta armagnénd acsè nuda davànti a tut. Par cuntintàr-al, sénsa dir-ag gnint, la Costanza la decìd ad far-al dabòṅ.

Culegamènt estéran