Il cuore criminale delle donne
|
C'l artìcul chè 'l è scrit in
Miranduléś |
 As Três Marias
| ||
| Il cuore criminale delle donne | ||
 Tuca Andrada e la Mendonça in na figùra dal film | ||
| Al cōr criminàł ad cal dóni 2002 | ||
|---|---|---|
| Regìa: Aluizio Abranches | ||
| Scritōr: Heitor Dhalia • Wilson Freire | ||
| Atōr: Marieta Severo • Maria Luísa Mendonça Júlia Lemmertz • Luiza Mariani • Lázaro Ramos Tuca Andrada • Alexandre Borges • André Barros Carlos Vereza • Enrique Diaz • Wagner Moura | ||
| Müsica: André Abujamra | ||
| Léngua: Purtughéś | ||
| Dürä dal film: 90 minüt | ||
| Nasiōṅ: Braśìl • Itàglia | ||
Il cuore criminale delle donne (Al cōr criminàł ad cal dóni) 'l è 'n film dramàtic braśigliàṅ e itagliàṅ dal 2002 'd Aluizio Abranches, preśentâ a 'l 52śum Fèstival ad Berlîṅ.
Al „tri Marìi“ dal tìtul uriginàł (As Três Marias) i n s riferìsan briśa a 'n panetòṅ ma a 'l tri fiōli fémni dla prutagunìsta ch'i gh'aṅ da lavàr via c'n al sànguv al masèl fat cónt'r i mémbar masć dla sò famìja.
Sunt
In dal stat braśigliàṅ ad Bahia, dòp trént'an ch'i n s éran piò vdû, la Filomena Capadócio (Marieta Severo) la diś incóra 'd nò a Firmino Santos Guerra (Carlos Vereza) quànd chi lò al gh śibìs incóra 'd métar-'s insém anc s'i dū i s éran bèla fat na famìja e abû di fiōi.
'L óm, ch'l è pîṅ ad bèsi avénd-ag dimóndi sit ad tèra in dal nòrd-èst dal Braśìl, al s arlìa e 'l órdna a i sò fiōi José Tranquilo (Cassiano Carneiro) e Arcanjo (Fábio S. Limma) ad cupàr i fiōi masć e 'l marè dla Filomena. Quànd la dóna la vîṅ a savēr dal masèl la dmanda a 'l sò tri fiōli, la Maria Francisca (Júlia Lemmertz), la Maria Rosa (Maria Luísa Mendonça) e la Maria Pia (Luiza Mariani), ad vindicàr la famìja. Al tri Marìi i vàn'n acsè a pascàr tri sasèṅ par jutàr-li a far giustìsia. A s trata 'd Zé das Cobras (Enrique Diaz), ch'al tira sù di còbra e ch'al cópa par bèsi, dal capitàṅ Tenório (Tuca Andrada), cumisàri 'd pulisìa ch'al s è malâ 'd ràbia dand la casa a 'n caṅ, e 'd Jesuíno Cruz (Wagner Moura) dit „al cavàl dal diàvul“ ch'al s cata in dla parśòṅ ad Recife.