Ian Curtis

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn


La sò tómba cun scrit insìma i vèrs dna sò canta: “'L amōr al sa śćiancarà via”
Na figùra 'd Ian Curtis


«
Why is the bedroom so cold? You've turned away on your side, is my timing that flawed? Our respect runs so dry yet there's still this appeal that we've kept through our lives but love, love will tear us apart again.»
(EN)(Love Will Tear Us Apart, 1980)
«
Parcòśa la cambra da lèt è-la acsè fréda? Ta t sē prilàda da cl'atra banda, è'l al mè timpìśum ch'al fà difèt? Al nòstar rispèt 'l è dvintâ acsè arsùt però a gh'è incóra cl'atrasiòṅ chè ch'a-j-ém mantgnû durànt al nòstri viti ma 'l amōr, 'l amōr al sa śćiancarà via incóra.»
(MUD)


Ian Kevin Curtis, cgnusû méj cuma Ian Curtis (Stretford, 15 ad Luj dal 1956 – Macclesfield, 18 ad Maǵ dal 1980), 'l è stâ 'n cantànt e sunadōr ingléś, mémbar fundadōr dal grup new wave di Joy Division. In di vèrs dal sò canti i saltàvan fóra di tèst pîṅ ad patimènt, alienasiòṅ e vōd.

Epilètig a la luś e deprès, Ian al s è cupâ a vint-a-tri an impicànd-'s in dla cuśìna 'd sò mujēr ch'la s éra separàda da lò, la Deborah. Al cantànt al gh'iva 'n disc bèla prònt da far vgnir fóra, al sò secónd lavōr Closer, e 'l gh'iva da partìr par na tournée in di Stat Unî. Al sìngul Love Will Tear us Apart, vgnû fóra in chi dè lè, 'l à purtâ i Joy Division par la prima vòlta in dla sò caréra in dla Top Ten britànica.

'L à lasâ na fiōla pìcula ciamàda Nathalie mént'r al grup 'l è andâ avànti cambiànd nóm in New Order.

Discugrafìa

Àlbum in Studi

  • 1979 - Unknown Pleasures
  • 1980 - Closer

EP

  • 1978 - An Ideal for Living
  • 1986 - The Peel Sessions
  • 1986 - The Peel Sessions

da 'l Viṿ

  • 1999 - Preston 28 February 1980
  • 2001 - Les Bains Douches
  • 2001 - Fractured Box
  • 2004 - Re-fractured Box

Racòlti

  • 1981 - Still
  • 1988 - Substance
  • 1990 - The Peel Sessions
  • 1994 - Warsaw
  • 1995 - Permanent
  • 1997 - Heart and Soul
  • 2000 - Joy Division The Complete BBC Recordings
  • 2007 - Martin Hannett's Personal Mixes
  • 2007 - Let the Movie Begin
  • 2008 - The Best of Joy Division
  • 2010 - Singles 1978-80
  • 2011 - Total: From Joy Division to New Order

Culegamènt estéran