I Cugini di Campagna

Da Wikipedia.

C'l artìcul chè 'l è scrit in Miranduléś Emiliàn

I Cugini di Campagna tòlt śò in dal 2012


«
Anima mia torna a casa tua, ti aspetterò dovessi odiare queste mura, anima mia nella stanza tua c'e' ancora il letto come l'hai lasciato tu.»
(IT)(Anima Mia, 1973)
«
Anma mia tórna in dla tò cà, a t aspèt anc s'a gh'is da udiàr chi mur chè, anma mia in dla tò cambra a gh'è incóra 'l tò lèt cum 't 'l à lasâ tè.»
(MUD)


I Cugini di Campagna (I Cuśèṅ ad Campàgna) i èṅ un grup ad mùśica 'lśēra itagliàṅ.

Biugrafìa

Al grup al vèṅ mis in pē in dal 1970 a Róma p'r òpra di talent-scout Gianni Meccia e Bruno Zambrini. I 'n fàvan part i śmèi Ivano (vōś e strumènt a còrdi) e Silvano Michetti (percusiòṅ) e Flavio Paulin (vōś, chitàra e bas).

La prima canta lōr l'è Il ballo di Peppe (Al bal ad Peppe) traśmìsa par la traśmisiòṅ Alto gradimento ad Gianni Boncompagni e ad Renzo Arbore. I càt'n al sucès dabòṅ in dal 1973 c'n un braṅ fat tut da par lōr, Anima mia (Anima mia) e pò cun Innamorata (Inamuràda), Un'altra donna (N'atra dóna), 64 anni (Ssanta-quàt'r an), Preghiera (Préga), È lei (L'è lē), Conchiglia bianca (Capa biànca) e Tu sei tu (Tè at sē tè).

In dal 1994 a s śònta 'l cantànt Nick Luciani, ch'al cuntìnua la tradisiòṅ ad cantàr in falsét, ma in dal Dicémbar dal 2014 al mòla incòsa parchè 'l è stuf dal cumpurtamènt dal grup, e 'd Ivano Michetti specialmènt, ch'al lasa 'ndàr 'l prói e ch'l è drē a far di spetàcui sèmpar più lòfi[1].

Culegamènt estéran

Nòti