House of Blood
|
C'l artìcul chè 'l è scrit in
Miranduléś |
 Chain Reaction
| ||
| House of Blood | ||
 Daryl Jackson in na figùra dal film | ||
| Cà 'd sangṿ 2006 | ||
|---|---|---|
| Regìa: Olaf Ittenbach | ||
| Scritōr: Thomas Reitmair • Olaf Ittenbach | ||
| Atōr: Christopher Kriesa • Martina Ittenbach Simon Newby • Luca Maric • Dan van Husen Jaymes Butler • Daryl Jackson • Klaus Münster | ||
| Müsica: Michael Ehninger | ||
| Léngua: Ingléś | ||
| Dürä dal film: 101 minüt | ||
| Nasiōṅ: Germàgna | ||
House of Blood (Cà 'd sangṿ) 'l è 'n film ad scarésa tedésc dal 2006 girâ p'r Olaf Ittenbach girâ c'n un budget stimâ 'd un migliòṅ 'd euro.
Sunt
Al dutōr Douglas Madsen, méntar 'l è fóra par lavōr in dla campàggna 'd Washington darènt a 'l cunfîṅ c'n al Cànada, al fà 'n incidènt c'n un bus dla pulisìa ch'l éra drē a scarusàr di parśunēr. Quàt'r ad chi lōr i s 'n imprufìtan par cupàr tut i pulisiòt e scapàr via tulénd al mèdag cuma ustàǵ. A s trata dal cap dal grup Arthur Palmer (Simon Newby), sò fradèl Spence (Luca Maric) frî a 'n bras, al négar Stephen Nix (Jaymes Butler) e Vincenzo Tomassi (Mehmet Yilmaz).
Durànt la fuga p'r i bòsc i sinc i védan na cà in du a viṿ na famìja a l'antìga. P'r al fat ch'a gh'è da uperàr Spence in présia, Arthur al decìd 'd andàr dèntar e l'órdna a na ragàsa, l’Alice (Martina Ittenbach), ad jutàr al dutōr.
Ma cla famìja lè strana l'è na famìja 'd vampîr cmandâ par Joseph (Klaus Münster) ch'la cópa tut i furastēr a part Douglas che però al finìs in parśòṅ parchè cardû al respunsàbil dal masèl. Chi lò, dòp 'l interugatòri, al vîṅ purtâ via c'n un bus ma pò a sucéd incóra 'n incidènt cumpàgn a 'l prim. Jimmy (Daryl Jackson), Shawn (James Matthews-Pyecka), Paul Anderson (Dan van Husen) e George (Wolfgang Müller) i màsan tut i pulisiòt pò i scàpan via cun Douglas sèg ch'al gh'à da uperàr George a la bala sinìstra parchè Jimmy, par far fóra 'n pulisiòt, al gh'à sparâ pròpria lè sénsa vlēr. Incóra na vòlta al grup ad delinquènt al finìs in dla cà di vampîr in du i càtan l’Alice incadnàda a 'l mur.