Henry, pioggia di sangue

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Henry: Portrait of a Serial Killer
Henry, pioggia di sangue
Henry pioggia di sangue.png
Tom Towles e Michael Rooker in na figùra dal film
Henry, piōva 'd sangṿ
1986
Regia: John McNaughton
Scritùr: John McNaughton • Richard Fire
Atùr: Michael RookerTom TowlesMary Demas
Tracy ArnoldAnne BartolettiDenise Sullivan
Ted KadenElizabeth KadenKurt Naebig
Müsica: Robert McNaughton
Ken Hale • Steven A. Jones
Lengua: Ingléś
Dürä dal film: 83 minüt
Nasiòṅ: Stat Unî


«
A n gh'è minga di lìmit a la cativèria sagvinària 'd Henry...»
(Tagline dal film)


Henry, pioggia di sangue (Henry, piōva 'd sangṿ) 'l è 'n film ad scarésa dal 1986 ad John McNaughton, girâ in gnanc un méś cun pôc bèsi, sèntdéś-mila dòlar a 'l incìrca. Al gh'à abû dimóndi prubléma cun la cinsùra, specialmènt in dal Régn Unî, par via ad soquànti séni viulénti.

La pelìcula la tōś ispirasiòṅ da la vita 'd Henry Lee Lucas, un masadōr seriàł ch'l à cunfesâ 'd avér cupâ siesènt parsòni anc se pò 'l è stâ cundanâ p'r ùnd'ś in tut, avénd-'l i giùdas badśâ cuma 'n balìsta patulògic. Al regìsta Nanni Moretti in dal sò film Caro diario 'l à dâ cóntar a 'n crìtic ch'l iva fat na recensiòṅ ad cl'òpra chè.

Sunt

Henry (Michael Rooker) e Otis (Tom Towles) i aṅ pasâ soquànt an in parśòṅ insém ma adès i èṅ lìbar e i divìd'n al stés apartamènt. Henry 'l iva cupâ sò màdar ch'la 'l piciàva e la gh dava adòs faghénd-ag patìr dimóndi umiliasiòṅ da pìcul cuma vistìr-as da dóna o guardàr-la a far sès mént'r Otis 'l iva masâ dla gint durànt na rapìna.

Henry però al n à minga pardû 'l visi e al cuntìnua a masàr sénsa mutìṿ cun dla cativèria ad c'l àtar mónd giùst p'r al gust ad far-al. Un dè a riva lè da lōr la surèla 'd Otis, la Becky (Tracy Arnold), ch'la s è divìśa da sò marè e che da ragasōla l'éra stada viulentàda par sò pàdar. Méntar lē la s inamóra 'd Henry, sò fradèl al taca a masàr anca lò da quànd 'l à vdû al sò amìg far fóra dū putàni.

Culegamènt estéran