Hemoglobin - Creature dell'inferno
|
C'l artìcul chè 'l è scrit in
Miranduléś |
 Bleeders
| ||
| Hemoglobin - Creature dell'inferno | ||
 Rutger Hauer in na figùra dal film | ||
| Emuglubìna - Criatùri da 'l Infèran 1997 | ||
|---|---|---|
| Regìa: Peter Svatek | ||
| Scritōr: Charles Adair • Gerald Seth Sindell Ronald Shusett • H.P. Lovecraft • Dan O'Bannon | ||
| Atōr: Rutger Hauer • Roy Dupuis • Kristin Lehman Felicia Shulman • John Dunn-Hill • Joanna Noyes Jackie Burroughs • Janine Theriault • Leni Parker | ||
| Müsica: Alan Reeves | ||
| Léngua: Ingléś | ||
| Dürä dal film: 89 minüt | ||
| Nasiōṅ: Stat Unî • Cànada | ||
Hemoglobin - Creature dell'inferno (Emuglubìna - Criatùri da 'l Infèran) 'l è 'n film ad scarésa canadéś e americàṅ dal 1997 ad Peter Svatek ch'al tōś ispirasiòṅ da na nuvèla 'd H. P. Lovecraft.
'L è stâ girâ in dl'ìśula 'd Grand Manan (Cànada).
Sunt
John Strauss (Roy Dupuis) 'l è 'n śōvan ch'al gh'à un mâł in dal sànguv ch'a n s capìs briśa cuś al sia. Par catàr na cura al decìd ad turnàr in dal Maine, su l'ìśula in du 'l è carsû, insém a sò mujér Kathleen (Kristin Lehman) ch'la fà l'infarméra.
Al śōvan 'l à sèmpar cardû che qvéi dla sò rasa, i Van Daam uriginàri dl'Ulànda, i fùsan tut mòrt mo invéci a n è minga ascè esénd ch'i èṅ scampâ catànd rifùǵ sót-tèra. Purtròp i n èṅ minga mis tant bèṅ parchè i èṅ dvintâ tut di móstar ermafrudìta, sénsa pē e dasfurmâ a fòrsa 'd gusàr fra parènt, tacànd da l’Eva (Gillian Ferrabee) ch'la s fava 'l sò śmèl in dal XVII sécul e par cal mutìṿ chè mandàda in eśìli in di Stat Unî. Inólt'r i gh'aṅ al brut visi 'd magnàr la carna di cadàvar che lōr i s prucùran a 'l campsànt dasfrutànd soquànt cunìcui segrét.
John al dmanda ajùt a 'l dutōr Marlowe (Rutger Hauer) ma purtròp al ragàs al gh'à la stésa maledisiòṅ dla sò famìja: par scampàr al gh'à da far cumpàgn a lōr.