Halloween - The Beginning
|
C'l artìcul chè 'l è scrit in
Miranduléś |
 Halloween
| ||
| Halloween - The Beginning | ||
 Daeg Faerch e McDowell in na figùra dal film | ||
| Halloween - Gl'Inìsi 2007 | ||
|---|---|---|
| Regìa: Rob Zombie | ||
| Scritōr: Rob Zombie • John Carpenter • Debra Hill | ||
| Atōr: Scout Taylor-Compton • Malcolm McDowell Daeg Faerch • Richard Lynch • Danielle Harris Brad Dourif • Sheri Moon Zombie • Danny Trejo Tyler Mane • Richmond Arquette • Dee Wallace Udo Kier • Jenny Gregg Stewart • Lew Temple | ||
| Müsica: Tyler Bates | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
Halloween - The Beginning (Halloween - Gl'Inìsi) 'l è 'n film ad scarésa americàṅ dal 2007 ad Rob Zombie, arfacimènt e prequel dal film ad John Carpenter dal 1978 Halloween, la notte delle streghe.
In dla culòna sunóra i s càtan di pès di Kiss, di Blue Öyster Cult, di Nazareth, 'd Iggy Pop, 'd Alice Cooper e àt'r incóra.
La pelìcula l'à fat sù da piò 'd utànta migliòṅ ad dòlar, dimóndi da piò di cóst fér'm a quìndas.
Sunt
Al pìcul Michael Myers (Daeg Faerch) 'l è 'n putèṅ ad déś an cun di distùr'b in dla suca tant ch'al pòrta sèmpar na mascra adòs e pò a gh cata gust a turturàr e masàr al bèsti cuma 'l sò sórag Elvis. Al psicòlug dla scóla, al dutōr Samuel Loomis (Malcolm McDowell), al próa a mét'r in guàrdia sò màdar Deborah (Sheri Moon) dòp che lò 'l iva tacâ na casutarìa in dal cèso cun dū ragàs più grand ch'i al tulìv'n in gir par via dal mistēr ad sò màdar, una ch'la s cava śò ad nòt in un lucàl p'r óm.
La nòt 'd Halloween, mèntar sò màdar la bala atàc a na pèrdga la lap dance, Michael al masa cla purcùsa 'd sò surèla Judith (Hanna R. Hall) e 'l sò muróś Steve (Adam Weisman) dòp ch'i ìvan fat 'l amōr, e 'l óm ch'al s éra cumpagnâ cun la Deborah, 'l imbariagòs Ronnie (William Forsythe). La sōla ch'la s salva l'è sò surèla pìcula, la Laurie.
Finî in parśòṅ, sénsa piò gnanc sò màdar ch'la s éra in cal méntar masàda p'r al daspiaśēr, Michael darsèt an dòp al scapa via da 'd là dòp avér cupâ soquànt pulisiòt. Cun na mascra adòs, purtàda via in alóra a Steve, adès 'l è lìbar ad far fóra tut qvéi ch'l incróśa e 'l al fà in silénsi parchè 'l à pardû la paròla. Al ragàs al pésca sò surèla Laurie (Scout Taylor-Compton) dada in adusiòṅ a i Strode.