Gregorio Paltrinieri

Da Wikipedia.

C'l artìcul chè 'l è scrit in Miranduléś Emiliàn


Greg in dal 2017.

Gregorio Paltrinieri (Carp, 5 ad Setémbar dal 1994, a s lèś [gre'gɔɾjo paltri'njeɾi] in Itagliàn) 'l è un nudadōr itagliàṅ. 'L è élt 1,91 mét'r e al péśa 72 chilo e i sò punt ad fòrsa i èṅ i 800 e i 1500 métar stîł lìbar.

'L è dvintâ campiòṅ européo in di 1500 métar a Debrecen in dal 2012, campiòṅ européo in di 1500 e in di 800 a Berlîṅ in dal 2014 e anc campiòṅ mundiàł in vasca curta in di 1500 in dal Dicémbar dal 2014 a Doha miténd-'s anc in bisàca al rècord cuntinentàł c'n al tèmp ad 14'39"93.

Al sò scutmaj 'l è «Greg» ma Massimiliano Rosolino 'l al ciàma «Grisèṅ»[1].

Biugrafìa

Fiōl ùnic, Gregorio al taca a nudàr a tri méś in dla pisìna che sò pàd'r al gh'à a Nuvlàra par pò spustàr-'s a Òstia in dua a gh'è 'n sèntar federàł ad nōd. A gh pènsa Stefano Morini a tgnir-'g adrē.

La prima mdaja 'l carpśàṅ al s la pòrt' a cà in dal 2011 quànd al vins 'l òr in di 1500 e 'l brónś in di 800 durànt i campiunâ européo di śōvan a Belgrâd. Al fà àtar tant fra i grand in dal Maǵ dal 2012 a Debrecen in Ungherìa. In Agóst al tōś part a gl'Ulimpìadi ad Lóndra in dua al riva quìnt in di 1500. A la fiṅ d'l an al s mét in bisàca 'n argìnt a i mundiài di 1500 mét'r in vasca curta in Turchìa c'n al prim clasificâ, Mads Glæsner, ch'l éra anc stâ squalificâ in séguit par pò ès'r armìs a 'l sò pòst.

In d'l Agóst dal 2013 al vins la mdaja 'd brónś a i Campiunâ dal Mónd ad Barcelóna, sèmp'r in di 1500, faghénd anc al rècord itagliàṅ c'n al tèmp ad 14'45"37. Al fà méj 'l an dòp a gl'européo ad Berlîṅ: cun 14'39"93 al vins 'l òr e dū dè dòp al fà àtar tant in di 800.

Al 7 ad Dicémbar dal 2014, a sōi vint an, al vins 'l òr anc in di mundiài in vasca curta ad Doha faghénd al secónd tèmp più śvèlt ad sèmpar, 14'16"10, da drē sōl a Grant Hackett.

In dagli Ulimpìadi ad Rio dal 2016 al Greg al porta a cà la mdaia 'd òr in di 1500.

Nòti