Gothika
|
C'l artìcul chè 'l è scrit in
Miranduléś |
 Gothika
| ||
 Downey Jr. e la Barry in na figùra dal film | ||
| id. 2003 | ||
|---|---|---|
| Regìa: Mathieu Kassovitz | ||
| Scritōr: Sebastian Gutierrez | ||
| Atōr: Halle Berry • Robert Downey Jr. • Amy Sloan Charles S. Dutton • Penélope Cruz • Bernard Hill John Carroll Lynch • Caroline Van Vlaardingen Dorian Harewood • Andrea Sheldon • Noel Burton | ||
| Müsica: John Ottman | ||
| Léngua: Ingléś | ||
| Dürä dal film: 98 minüt | ||
| Nasiōṅ: Stat Unî • Spaggna • Cànada • Frància | ||
Gothika (id.) 'l è 'n thriller dal 2003 ad Mathieu Kassovitz. Custâ quarànta migliòṅ ad dòlar, al film al 'n à pò muciâ sù da piò ad sènt-quarànta.
La canta ch'a s sènt in di tìtui ad cóa, Behind Blue Eyes, lè stada scrita par Pete Townshend e l'è cantàda da i Limp Bizkit.
Sunt
La Miranda (Halle Berry) l'è na psicòluga ch'la lavóra in d'l istitùt ad sò marè Douglas Grey (Charles S. Dutton), più vèć ad lē. Turnànd a cà in na sira ch'a piōṿ, la Miranda la s cata in mèś a la strada na ragàsa biónda cavàda śò e minga tant in bóla, la Rachel Parsons (Kathleen Mackey). La dutōra la śmònta śò da la màchina par jutàr-la ma, quànd la la tóca, chi lē la ciàpa fōg. Soquànt dè dòp la psicòluga la s déśda in na sèla d'l uśdàł in du la lavóra, acuśàda dal masamènt ad sò marè.
Dal tut sénsa memòria e lè lè p'r andàr fóra 'd tèsta, la Miranda la dmanda 'd dascórar c'n un sò culéga e amìg, al dutōr Pete Graham (Robert Downey Jr.) mo a n gh'è vèrs. Al sierìf Bob Ryan (John Carroll Lynch), amìg ad sò marè, al gh dà adòs parchè al vōl savēr cum i èṅ andàdi 'l ròbi ma la dóna la n s arcòrda gnint.
La Miranda la taca a ligàr-'s a na sò èx pasiènta ch'la s cata in dla strutùra insém a lē, la Chloe Sava (Penélope Cruz). Dal vòlti però al spìrit dla Rachel al tórna par turmintàr-la e na vòlta al gh lasa anc na scrita su 'n bras, Not Alone (Minga da par tè).