Good Night, and Good Luck.

Da Wikipedia.

C'l artìcul chè 'l è scrit in Miranduléś Emiliàn

Good Night, and Good Luck.
Good Night, and Good Luck.

Robert Downey Jr. in na figùra dal film
Bòna nòt, e bòna furtùna.
2005
Regìa: George Clooney
Scritōr: George Clooney • Grant Heslov
Atōr: David StrathairnJeff DanielsGrant Heslov
George ClooneyRobert Downey Jr.Ray Wise
Frank LangellaPatricia ClarksonAlex Borstein
Müsica: Jim Papoulis
Léngua: Ingléś
Dürä dal film: 90 minüt
Nasiōṅ: Stat UnîFrànciaRégn UnîGiapòṅ


«
L'arma lōr più granda cónt'r al guèran l'è stada na véra sćèta.»
(Tagline dal film)


Good Night, and Good Luck. (Bòna nòt, e bòna furtùna.) 'l è 'n film biugràfic e dramàtic girâ in biànc e négar dal 2005 ad George Clooney, candidâ a siē Prèmi Òscar, ch'al cònta la vita véra dal giurnalìsta dla CBS Edward R. Murrow famóś par la sò lòta cónt'r al Maccartìśum. Al tìtul dal film 'l è la fraś ch'l anchorman al druàva par salutàr i sò spetadōr a la fiṅ dal sò prugràma televiśìṿ “See It Now”.

La pelìcula l'è stada preśentàda a 'l 62śum Fèstival ad Venèsia in dua l'à vins i prèmi par la senegiadùra, par 'l atōr prutagunìsta e p'r al film più bèl. Cal film chè 'l è stâ bòṅ ad far sù da piò ad sinquànta-siē migliòṅ ad dòlar, esénd-an custâ sōl sèt.

Sunt

Edward R. Murrow (David Strathairn), famóś giurnalìsta dla televiśiòṅ americàna CBS, al vèṅ a savēr ch'al guèran dal sò paéś 'l à fat far a 'l senadōr Joseph McCarthy na lista ad persunàǵ suspetâ 'd avér dal simpatìi cumunìsti par far-'g-la pagàr in nóm dla sicurésa nasiunàla in na sòrta 'd “casa a 'l strìi” dl'éra mudèrna.

Arvultâ da cal cumpurtamènt lè, al giurnalìsta 'l in taca a dascór'r in dal sò prugràma dal Martedè 'd sira, “See It Now”, par far savēr a 'l sò pùblic qvél che dla gint a mōd l'è stada custréta a patìr. Mis anc lò in dla lista négra e minasâ 'd mòrt, Edward al và avànti listés cuntànd su 'l apòǵ dal sò grup ad lavōr e dal sò amìg e prudutōr Fred Friendly (George Clooney).

Culegamènt estéran