Gilles Simon

Da Wikipedia.

C'l artìcul chè 'l è scrit in Miranduléś Emiliàn

Gilles Simon


Gilles Simon (Nisa, 27 ad Dicémbar dal 1984, a s lèś [ʒil si'mɔ̃] in Francéś) 'l è 'n tenìsta francéś prufesiunìsta da 'l 2002. Al 5 ad Śnar dal 2009 'l è rivâ a ès'r al nùmar siē dal mónd in singulàr.

'L è élt un mét'r e utànta e al pésa ssanta-nóṿ chilo. Al dróa al bras dèstar e al tira 'l arvèrs a dū maṅ. Al stà a Neuchâtel in Śvisra.

Caréra

In dla sò caréra 'l à vins ùndas tìtui ATP, al più impurtànt a Ambûrg in dal Luj dal 2011 (Masters Mila) baténd in d'l ùlt'm incónt'r al spagnōl Nicolás Almagro par 6-4 4-6 6-4. Sèmp'r in di Master Mila 'l à śugâ anc dū finàli pardénd in dal 2008 a Madrid cónt'r Andy Murray par 4-6 6-7 e in dal 2014 a Shanghai cóntar Roger Federer par 6-7 6-7.

In di turnèo dal Gran Ślam 'l è rivâ na vòlta in di quàrt a Melbourne in dal 2009 e in di utàṿ a 'l Roland Garros (2011 e 2013), a Wimbledon (2009) e a gl'US Open (2011 e 2014).

Culegamènt estéran