Gigi D'Agostino

Da Wikipedia.

C'l artìcul chè 'l è scrit in Miranduléś Emiliàn

Gigi D'Agostino tòlt śò in dal 2011


«
Love, love for me, is love, love for me, I call your name, I keep on looking for you and I don't know, don't know where go where.»
(EN)(Elisir, 1998)
«
Amōr, 'l amōr par mè, 'l è amōr, 'l amōr par mè, a ciàm al tò nóm, a cuntìnuv a pascàr-at e a n sò briśa, a n sò minga in du andàr.»
(MUD)


Luigino Celestino Di Agostino, cgnusû cuma Gigi D'Agostino o anc cuma Gigi Dag (Turèṅ, 17 ad Dicémbar dal 1967), 'l è 'n disc jockey e prudutōr discugràfic itagliàṅ. Al sò scutmàj 'l è „Al Mìstar“.

In dla sò caréra 'l à scrit dimóndi pès house, progressive trance, lènt viulènt, italodance e techno cgnusû anc a 'l èstar, specialmènt a la fiṅ di an Nuànta e a 'l inìsi di an Dumìla quànd 'l à śuntâ dla meludìa a 'l sò canti. Ad cal perìud chè a 'rcurdém Gin Lemon, (your love) Elisir, Bla Bla Bla (sucès clamuróś in Germâgna), The Riddle, Another Way, L'amour toujours (I'll Fly with You) (sucès clamuróś in Italia), La passion, Super (1, 2, 3) insém a Albertino e Un giorno credi feat. Edoardo Bennato.

'L à laurâ anc cun Prezioso feat. Marvin in dal sò braṅ Tell Me Why e fat soquànt remix ad pès di Cappella (Hyper Mixes), di Fine Young Cannibals (The Flame), ad Niccolò Fabi (Il giardiniere), ad Fiorello (Batticuore), dla Shakira (Objection (Tango)) e dla Dido (White Flag).

Culegamènt estéran