Żòbia

 Arzân

 Bulgnaiṡ

C'l artìcul chè 'l è scrit in Arzân

Al pianēt Giòve

I satèlit ch' a gîren intōren a Giôve

Giôve (sìmbol: ) con i sō 143.000 chilômeter l'é al pianēt pió grôs da Sistēma Solêr. L' é a cîrca 778 miliòun ed chilômeter dal Sōl, al gîra intōren al Sōl in 11 ân e 315 dé. Al só gîr l' é 'd 9 ōri e 55 minût e al gîra svêlt, tânt che l'é schisê a i pôlo e şlarghê a l'equatōr. Pôst che al gh'à mìa 'na gròsta dûra e sènd ch' al gh'à 'n' amzûra grôsa, l'é l'eşèimpi pió clâsich 'd un pianēta gigân pîn ed gâş cme Satûren, Uràn e Netûn.

Giôve l'é ânch al cèinter 'd un sistēma ed lûni. A 's in cgnòsen 63, mó i pió cgnusû e ânca i prém a èser vést în stê i ciamê Satelliti Galileiani Io, Eurôpa, Ganimèd e Calést

La fôrsa ed gravitê la fà in môd ed fêri girêr tót insèm intōren a Giôve.

La gran fòrza ed gravitè la fà in mòd ed fèri zirèr tott insamm atåurn a la Zòbia.

L'atmosfèra ed Giôve, vésta da Voyager 1

C'l artìcul chè 'l è scrit in Bulgnaiṡ

Al pianaid Zòbia

I starlût chi zîren atåurn a la Zòbia

La Zòbia (sìmbol: ) coi sò 143.000 kilòmeter ed diameter a l'è al pianaid pió grand dal sistamma sulèr. A l'è a stra sé e nå a 778 miglion ed kilòmeter dal såul, al zîra in tånd al såul in 11 an e 315 dé. La so rotaziån a l'è ed 9 åur e 55 minûd e la rotaziån a l'è dimónndi solèzita, tant che a l'equatåur ste pianaid a l'à 'na fåurma slunghè. Send ch'al n'à brîsa una suparfézzi dûra e sènd ch'l'à una dimensiån inpurtanta, l'è l'esänpi pi ò téppich ed żigànt gasåus, una categorî ed pianîd cme anche Satûren, Uràn e Netón.

La Zòbia l'è anch'al zänter 'un sistamma ed lónn chi żîren atåuren a la Zòbia. As in cgnossen 63, mo i piò cgnossò i én stè i piò gnossò e anch' i prémm a èser stè dscuért i én stè i lónn galileiàn Io, Europa, Ganimèd e Callésst.

La gran fòrza ed gravitè la fà in mòd ed fèri zirèr tott insamm atåuren a la Zòbia.

L'atmosfèra d'la Zòbia, véssta da Voyager 1