Fōlp Paul

Da Wikipedia.

C'l artìcul chè 'l è scrit in Miranduléś Emiliàn

Al Fōlp Paul
Paul al tradìs la Germàgna sarnénd la Spaggna


Al Fōlp Paul (Paul der Krake in tedésc) 'l è stâ 'n fōlp ch'al vivìva in d'l aquàri pùblic 'd Oberhausen in Germàgna e ch'l è dvintâ famóś in tut al mónd cuma uràcul durànt i mundiài 'd fólbar dal 2010 in Sudàfrica parchè 'l è stâ bòṅ 'd indvinàr al squàdri vinsidōri 'd òt partìdi 'd balòṅ su òt[1]:

  • Germàgna - Austràglia 4-0
  • Germàgna - Sèrbia 0-1
  • Germàgna - Ghana 1-0
  • Germàgna - Inghiltèra 4-1
  • Germàgna - Argintìna 4-0
  • Germàgna - Spaggna 0-1
  • Germàgna - Uruguay 3-2
  • Ulànda - Spaggna 0-1

Par far-al, i gh mitìv'n in d'l àqua dū scatli trasparènti cun dal magnàr dènt'r e 'l bandéri dal dū squàdri tacàdi davànti. La scatla ch'la bèstia la vriva par prima, andànd-la a sarnìr, l'éra qvéla ch'l'arév vins al dè dòp. Fōlp Paul al li à imbrucàdi tuti méntar durànt gl'europèo ad dū an prima al gh'iva ciapâ in dal 66% dal vòlti.

Fōlp Paul 'l è nâ a Weymouth in Inghiltèra in dal Śnar dal 2008, anc se pò la sò istrutōra tedésca Verena Bartsch in n'intervìsta dal 2010 l'iva dit ch'i 'l ìvan pascâ in dgl'àqui dl'Ìśula 'd Élba. Paul 'l è mòrt al 26 'd Utóbar dal 2010.

Àtar prugèt

Nòti