Exotica (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Exotica
Exotica
Exotica (film).png
La Mia Kirshner in na figùra dal film
id.
1994
Regia: Atom Egoyan
Scritùr: Atom Egoyan
Atùr: Bruce GreenwoodMia Kirshner
Sarah PolleyVictor GarberDavid Hemblen
Müsica: Mychael Danna
Lengua: IngléśEbràic
Dürä dal film: 103 minüt
Nasiòṅ: Cànada


«
In un mónd ad tentasiòṅ, 'l usesiòṅ 'l è 'l deśidèri più murtàł.»
(Tagline dal film)


Exotica (id.) 'l è 'n film dramàtic dal 1994 scrit e dirèt p'r Atom Egoyan.

'L è stâ preśentâ in cuncōrs a 'l 47śum Fèstival ad Cannes in du 'l è stâ numinâ par la Palma 'd Òr vinsénd pò al prèmi FIPRESCI.

Sunt

Exotica 'l è 'n stripclub ad Turònt in du dal bèli ragàsi i gh bàlan e i s càvan śò. S'ta gh śibìs sinc dòlar i al fànan sōl part tè vgnénd a 'l tò tàvul. A métar sù la mùśica a gh pénsa 'l DJ Eric (Elias Koteas), marè dla pruprietària dal lucàl ch'la spéta 'n putèṅ da lò, la Zoe (Arsinée Khanjian).

Òṅ di cliènt fis dal night 'l è Francis Brown (Bruce Greenwood), 'n agìnt dal tasi ch'l'à pardû sò mujér e la sò putìna e ch'al gh'à anc un fradèl paraliśâ dòp 'n incidènt, Harold (Victor Garber). Francis al và mat par la Christina (Mia Kirshner), èx muróśa 'd Eric ch'l è dimóndi gelóś sèg parchè al gh buta gl'òć adòs. Na sira 'l funsiunàri al cgnós in taxi Thomas (Don McKellar), un śōvan ch'al vénd in Cànada dal bèsti 'd cuntrabànd e 'l è anc gay.

Culegamènt estéran