Ennemond Alexandre Petitot

Da Wikipedia.

Artìcol in dialètt pramsân

Ennemond Alexandre Petitot l'è stè 'n architètt francez c' l'à lavorè bon bén int'al duchè 'd Pärma

La prima pärta 'd la vitta[modifica | mudéfica la surzéia]

Nassu a Lión dal 1727, Petitot dal 1741 l' è entrè int'al studi äd Jacques Soufflot, ch'al gh'à fat da méstor.Podopa l'è andè a studiär a Parigi. L'à vens al Grand Prix de Rome dal 1745 e acsì l'è andè a stär a Ròmma.

A la corta 'd Pärma[modifica | mudéfica la surzéia]

Dal 1753 l' è stè ciamè a Pärma, dal duca Filip Borbón, par fär l'architètt, intant c' a gh'era a la corta n' ätor francez d'importansa, al ministor Du Tillot. Petitot l'à lavorè a Colórni al Palas ducäl, int'i zardén e int'la béla cieza 'd San Liborio.

Dal 1754 al s'è ocupè dal Zardén 'd Parma insèmma al scultor Boudard, francez anca lu. A Pärma l'à anca imaginè al "Stradón", col sò bél Casino del Caffè, che i Pramzàn i gh'àn mis a nòmm propria "al Petitò". In Piasa l'à disegnè al dednans 'd la cieza 'd san Pèddor e so quant ornament int'al Palas dal Governator.

Al finäl[modifica | mudéfica la surzéia]

Quand c' al duca Ferdinando l'à mandè via al Du Tillot, Petitot al n'à pu lavorè a corta mo l'è restè a Pärma pr' insegnär a l'Académia: int'i sò scolär gh'è stè Nicola Bettoli, l'architètt dal Regio. L'è mort int' la sò villa 'd Maror dal 1801.