Edmond (film)

Da Wikipedia.

C'l artìcul chè 'l è scrit in Miranduléś Emiliàn

Edmond

Dulé Hill in na figùra dal film
id.
2005
Regìa: Stuart Gordon
Scritōr: David Mamet
Atōr: William H. MacyMena SuvariBai Ling
Julia StilesRebecca PidgeonFrances Bay
Denise RichardsJoe MantegnaDulé Hill
Müsica: Bobby Johnston
Léngua: Ingléś
Dürä dal film: 82 minüt
Nasiōṅ: Stat Unî


«
Tut al paùri i lōg'n un deśidèri.»
(Tagline dal film)


Edmond (id.) 'l è 'n thriller dramàtic dal 2005 ad Stuart Gordon, cun David Mamet ch'al firma la senegiadùra a partìr da na sò pièce teatràla dal 1982.

Custâ déś migliòṅ ad dòlar, al n gh l'à minga cavàda a mét'r i cònt in para parchè al 'n à fat sù sōl duśènt-quarantamìla.

Sunt

Andâ a far-as lèś'r al carti par na vècia (Frances Bay), 'l anònim banchēr ad New York ch'l à pasâ i quarànta Frances Bay (William H. Macy) al s sènt dir ch'la sò vita l'à ciapâ na diresiòṅ śbaliàda. Squasâ da 'l pinsēr ch'al destîṅ 'l àppia scrit na paśna dal tut difarènta par lò rispèt a la vita da burghéś mèdi ch'l à sèmpar fat, 'l óm al decìd acsè 'd mulàr sò mujēr (Rebecca Pidgeon), ch'al n gh vōl più bèṅ, pò al s tōś sù e 'l và 'l bar in du al taca a dascórar c'n un tisi (Joe Mantegna). Chi lò al gh lasa 'l indirìs 'd un strip club e Frances al gh và a far un gir anc se i prèsi i èṅ tròp élt p'r al sò bisàchi. Decìś a far sès a pagamènt, al banchēr al pasa prima p'r un peep show e pò da 'n caśèṅ in dua però al n gh'à minga di bèsi abàsta par gusàr-as na rója.

Sprand ad guadagnàr quèl, Frances al próa a scumétar faghénd al śōg dal tri carti in strada ma 'l vîṅ prima fargâ e pò derubâ par 'n imbujòṅ (Dulé Hill). Decìś ad difénd'r-as 'l óm al còmpra 'n curtèl, dand in cambi la sò fēd, e 'l gh'à subìt la manéra 'd druàr-al cónt'r un papòṅ (Lionel Mark Smith) ch'al gh'iva śibî na putàna cum a s dév ma sōl par derubàr-al. Cuntènt 'd èsar stâ bòṅ 'd difénd'r-as da par lò, 'l óm al và in un bar a bévar quèl e lè al cgnós na camaréra biónda, la Glenna (Julia Stiles), ch'la s fà cunvìs'r a 'ndàr a cà sèg par na gusàda. Na vòlta in cambra al taca a cuntàr-'g ad quànd 'l à scurtlâ cal prutetōr là e la ragàsa la taca a spavintàr-as e acsè la decìd ad tiràr-'s indrē. Durànt la litgàda, fóra 'd tèsta par l'arlìa, Frances al dróa 'l curtèl sèg masànd-la.

Culegamènt estéran