Eden Lake

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Eden Lake
Eden Lake
Eden Lake.png
La Reilly e Fassbender in na figùra dal film
Al Lâg d'l Èden
2008
Regia: James Watkins
Scritùr: James Watkins
Atùr: Kelly ReillyMichael FassbenderTara Ellis
Shaun DooleyJack O'ConnellJumayn Hunter
Thomas TurgooseLorraine BruceFinn Atkins
Müsica: David Julyan
Lengua: Ingléś
Dürä dal film: 91 minüt
Nasiòṅ: Régn Unî


«
Un fiṅ 'd stmana in riva a 'l lâg cun na vduda da murìr.»
(Tagline dal film)


Eden Lake (Al Lâg d'l Èden) 'l è 'n film ad scarésa dal 2008 scrit e dirèt par James Watkins, chè a 'l sò debùt.

Al film 'l à muciâ sù dagnóra quàtar migliòṅ ad dòlar.

Sunt

Steve (Michael Fassbender) e la Jenny (Kelly Reilly) i èṅ dū muróś grand ch'i vìv'n in sità. Par far quèl ad difarènt i decìd'n ad pasàr un fiṅ 'd stmana in mèś a la natùra andànd a tōr al sōl in un bòsc in riva a 'l lag. Purtròp a 'n sèrt punt a riva lè 'n grup ad siē ragasōi arvèrs bòṅdagnìnt, di brut grintèṅ e dal bruti ghigni in tut i sèns c'n a cap Brett (Jack O'Connell), ch'i tàc'n a dar-'g adòs e a ufénd'r-i e pò i gh ciàv'n anc la màchina. Fra 'd lōr a gh'è anc na ragasōla catìva ch'la tira dal madóni a tut andàr, la Paige (Finn Atkins).

Quànd Steve al i bèca più tard in dal bòsc a partìs na cagnàra a 'l ùltim sangṿ e i sàltan fóra i curtèi. A 'vér-ag la pèś l'è la cagna di delinquènt, la Bonnie, ch'la mōr. La còpia la próa a scapàr via cun la màchina ma c'n i vēdar carpâ Steve al fà fadìga a védar in du 'l và e difàti al sa stablìs atàc a 'n àlbar. La Jenny la gh la cava a śmuntàr śò e a cùrar via méntar 'l óm, incastrâ a 'l sedìl par cólpa 'd un ram ch'l al tîṅ férum, al vîṅ fat parśunēr e pò ligâ cun dal fiłdfèr spinâ. A tùran i ragasōi i gh tìran dal scurtlàdi dapartùt.

'L arìṿ dla Jenny al dà la manéra a 'l sò muróś ad libràr-as ma 'l fridi i èṅ bruti. La dóna, tuta muśnènta e inśmaltàda, la partìs da par lē par catàr ajùt.

Culegamènt estéran