Edda Martini

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

'L artrât ed na só anvudèina a 'l aquarêl.

L’Edda Martini (Chêrp, 3 'd novèmber 1923 - 19 novèmber 2015) l'è stèda na pitóra e disgnadóra carpśàna.
L'Edda l'ìva imparê a piturèr a 'l istitût 'd êrt Ventùri ed Mòdna, indû la tachèva a preferìr la pitùra a 'l aquarêl da mêś a chegli ètri tètnichi per piturèr. L'insgnèva pò da profesorèsa a 'l scóli médi, prìma 'd dedichèr-es a la pitùra tout court. Dòp di miràbil e delichê artrât e vdùdi 'd paēś a 'l aquarêl, l'Edda la disgnèva a china bèin dimòndi pcòun edla só Chêrp, stampê anca in dla Guida storico-artistica - Carpi edl Alfòuns Garuti e dal Dante Colli. El só pitùri gl'ìn stèdi vdudi in 15 mostri 'd insèm e in 14 personèli[1].

Vōś lighèdi

Colegamèint estèren

Referèinsi

  1. (IT) Dizionario biografico dei carpigiani del Novecento, ed. Il Fiorino, Mòdna 1999.