Ecce Homo (Bosch Francfòrt)

C'l artìcol chè 'l è scrit in Carpśàn

'L Ecce Homo (frêś latèina c'ma per dìr "Tulî 'l Òm") l'è na pitùra a òli in sìm'a tèvla dla fin dal Quatersèint, ch'a s pèinsa ch'la sìa stèda fàta da 'l Śrònim Bosch e incō l'è tgnuda da cât in dal Städelsches Kunstinstitut 'd Francfòrt sul Mèin.

Descrisiòun

C'ma in tùti el pitùri ch'i figùren 'l "Ecce Homo", anc chè a s cata al Ponsi Pilê, reśdōr in cal màinter dal stansiamèint romàn là dai iśraelìtic, ch'al n'in vōl savér ed dìr la sùa in sìm'a la punisiòun p'r al Crìst e dòunca al al làsa in del màṅ ed chilōr, ch'i gh'dìghen la sùa in sìm'a la fîn ch'al gh'arà da fèr.
In dal quèder a s vèd anca vgnìr fóra dala bòca dal Pilê e pò da quìli di iśraelìtic, e finànc dai dunadōr edla pitùra śbiadî in dal bâs, tri scrìti, c'ma ch'i fùsen di fumèt cum'i s léśen anca incō, e in dû, a la frêś dìta da 'l Pilê, i ebrèi i sighen subìt Crucifige Eum, a dìr "Mèt-'l in Crōś!", màinter che i dunadōr egl'ìn adrē a perghèr al Crist c'n un Salve nos Christe redemptor, a dìr "Pàinsa a salvèr-es nuèter, Crìst Salvadōr!".

Vóś lighèdi

Èter progêt

Wikimedia Commons contiene file multimediali su Ecce Homo (Bosch Francfòrt)

Colegamèint estèren

(EN) La só schéda in dal sit dal Muśèo Städel in ligna.