Dr. Giggles

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dr. Giggles
Dr. Giggles.png
Larry Drake in na figùra dal film
id.
1992
Regia: Manny Coto
Scritùr: Manny Coto • Graeme Whifler
Atùr: Larry DrakeCliff De YoungGlenn Quinn
Holly Marie CombsKeith DiamondJohn Vickery
Müsica: Brian May
Lengua: Ingléś
Dürä dal film: 95 minüt
Nasiòṅ: Stat UnîGiapòṅ


«
S'at gh'à la sfurtùna 'd malàr-at... taca a 'rcmandàr l'anma a Dio.»
(Tagline dal film)


Dr. Giggles (id.) 'l è 'n film ad scarésa americàṅ e giapunéś dal 1992 ad Manny Coto ch'al 'l à scrit insém a Graeme Whifler.

La pelìcula l'à fat sù òt migliòṅ e quàt'r ad dòlar.

Sunt

In dla sità 'd Moorehigh al dutōr Rendell, jutâ par sò fiōl 'd òt an Evan Jr., al gh'à da catàr un cōr da trapiantàr a sò mujér ch'l'è misa dimóndi mâł. Par far-al, al taca a masàr di sò pasiènt p'r avēr in maṅ finalmènt 'l órgan ch'a gh vōl in fiṅ tant ch'i sò sitadèṅ i al bècan e i al màsan lapidànd-al. Evan Jr. al finìs in un manicòmi ma trénta-sinc an dòp al gh la cava a turnàr a Moorehigh par vindicàr-as druànd al nóm ad Dr. Giggles (Larry Drake).

In paéś na ragàsa cun di prubléma cardìag, la Jennifer Campbell (Holly Marie Combs), la pasa na vacànsa insém a 'l sò muróś Max Anderson (Glenn Quinn) ma la gh'à sèmpar sèg 'n aparéć ch'al sarvìs par tgnir sóta cuntròl al cōr. A n sèrt punt la sa stufa 'd purtàr-'l e la 'l śbat via. Sò pàdar Tom (Cliff De Young) al cata 'l machinàri par strada e 'l decìd 'd andàr a dascórar cun sò fiōla pròpria mént'r al Dr. Giggles al masa la sò dóna, la Tamara (Michelle Johnson). Chi lē l'è sōl la prima a pèrdar la vita ad òpra dal mèdag ciucâ in dla suca, adès 'l è 'l tùran di amìg dla Jennifer.

Culegamènt estéran