Dove vai se il vizietto non ce l'hai?

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dove vai se il vizietto non ce l'hai?
Dove vai se il vizietto non ce l'hai.png
La Del Santo, Montagnani e la Vibeker
in na figùra dal film
Mo in du vō't andàr s'al visiét ta n gh 'l à briśa?
1979
Regìa: Marino Girolami
Scritōr: Gianfranco Couyoumdjian • Carlo Veo
Atōr: Renzo MontagnaniMario Carotenuto
Alvaro VitaliAngie VibekerPaola Senatore
Lory Del SantoSabrina SianiStefano Amato
Vittorio De BisognoJimmy il Fenomeno
Franco CaraccioloLina FranchiRina Mascetti
Müsica: Berto Pisano
Léngua: ItagliàṅEmigliàṅLumbàrdNapulitàṅ
Dürä dal film: 87 minüt
Nasiōṅ: Itàglia


«
Na cumèdia da murìr da 'l rìdar.»
(Tagline dal film)


Dove vai se il vizietto non ce l'hai? (Mo in du vō't andàr s'al visiét ta n gh 'l à briśa?) l'è na cumèdia vulgaròta dal 1979 ad Marino Girolami.

Sunt

La Simona (Paola Senatore) l'è na sgnuròta ch'la créd che sò marè, al cumendadōr Cesare Beltramelli (Mario Carotenuto), al gh méta i còran cun dal śuvnòti. Al prubléma al n sarév gnanc quàl lè ma piutòst ch'al s magna tut i bèsi sèg. La dóna la decìd acsè ad dmandàr ajùt a l'agensìa investigatìva 'd Diogene Colombo (Renzo Montagnani).

Par bcar-'l in castàgna la śibìs a 'l investigadōr vint migliòṅ ad franc p'r andàr a star in dla sò vila cuma majurdóm e tgnir-al 'd òć ma, p'r a n dar minga in d'l òć, al gh'à da far-as pasàr p'r un buśòṅ. Inóltar la Simona la gh'à anc biśógn dna cōga e Diogene al pòrta sèg al sò jutànt in ufìsi, Aroldo (Alvaro Vitali), che, trucâ da sgnōra, al s fà ciamàr Carlotta.

I dū i tàc'n a lauràr in dla vila e i cgnós'n al camaréri Emma (Angie Vibeker) e Irma (Lory Del Santo) e 'l giardinēr Anselmo (Vittorio De Bisogno) ch'al buta subìt 'l òć adòs a la Carlotta méntar Diogene al s fà dar da lò dū banàni bèli grôsi ch'al gh'iva in dal sést dla fruta acsè una al la pōl magnàr. Cla nòt lè Diogene al gh'à 'd andàr a ravanàr in di casét d'l ufìsi dal cumendadōr parchè al gh'à da catàr i rigalèṅ che lò 'l fà a 'l sò amànti.

Culegamènt estéran