Dolan's Cadillac

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dolan's Cadillac
Dolan's Cadillac
Dolan's Cadillac.png
Wes Bentley in na figùra dal film
La cadillac ad Dolan
2009
Regia: Jeff Beesley
Scritùr: Stephen King • Richard Dooling
Atùr: Christian SlaterWes BentleyGreg Bryk
Emmanuelle VaugierAidan DevineAl Sapienza
Müsica: James Mark Stewart
Lengua: IngléśSpagnōlCinéś
Dürä dal film: 89 minüt
Nasiòṅ: Régn UnîCànada


«
Na stòria 'd vindéta ch'la mét terōr.»
(Tagline dal film)


Dolan's Cadillac (La cadillac ad Dolan) 'l è 'n thriller dramàtic dal 2009 ad Jeff Beesley trat da 'l racònt „La cadillac di Dolan“ ad Stephen King. In Itàglia 'l è stâ distribuî diretamènt p'r al marcâ d'l home video.

'L è stâ girâ c'n un budget ad déś migliòṅ ad dòlar.

Sunt

Jimmy Dolan (Christian Slater) 'l è 'n delinquènt sénsa scrùpui ch'l à fat i bèsi miténd in pē un gir ad putàni furastéri che lò 'l fà rivàr in di Stat Unî lugàdi in càmion pîni stópi e ch'al trata cuma carna da masèl. Al gira sèmp'r in Cadillac faghénd-as scarusàr par na dóna 'd culōr, la Delta (Karen LeBlanc), e cumpagnàr p'r al cap di sò culaburadōr (Greg Bryk).

Al prufesōr Robinson (Wes Bentley) al viṿ a Las Vegas insém a sò mujér Elizabeth (Emmanuelle Vaugier) ch'l'à péna savû 'd spetàr un putèṅ. Cal putèṅ lè però al n nasarà mai parchè la dóna la paga 'l fat 'd èsar stasa testimòni di tràfic ad Dolan saltànd p'r ària miténd in mòt la sò màchina cun d'l espluśìṿ dèntar. Al cumisàri Fletcher (Al Sapienza), ch'al gh'iva da prutèśar-la, al vōl a tut i cóst catàr dal próvi par śbàtar Jimmy in parśòṅ ma Robinson al pâr bandunàr-al tulénd la deciśiòṅ ad cambiàr vita tacànd a lauràr in Istâ cuma giustadōr ad stradi sóta 'l Sōl ch'al pìcia fòrt, mistēr che dimóndi an prima 'l iva fat anc sò pàdar.

Robinson al gh'à acsè la manéra ad preparàr na trapla par Dolan. Al fà na buśa fónda in na strada ch'al gh'iva da giustàr, e ch'al sà che Jimmy al fà sèmpar, e pò 'l cava via i cartèi dal deviasiòṅ. Quaciànd al buś cun di tlòṅ piturâ 'd griś cuma 'l asfàlt al fà in manéra ch'a n s véda gnint. Quànd la Cadillac la gh pasa 'd sōvar la casca śò a péś mòrt. Adès Robinson 'l al vōl saplìr viṿ par far-'g-la cagàr s'al fus in bras a Dio.

Culegamènt estéran