Discussioni utente:Mavrési
Ciao Mavrési, beinvgnû ind la Wikipedia in Emiliân ed in Rumagnôl. S'ét vôt fêr dî cambiamèint, ricôrdet 'd an mëter mìa di lavôr sôta copyright.
Per firmêret, schésa cól pulsânt lè. 
Finalmèint un arzân! Per scréver cun j acèint prèma scrév cun Word o cun al Writer (în pió cômed pr' al mudéfichi e tót al rèst) pó dôp ed fê al côpia e incòla che insém ind la vôz ch' ét vō fêr.
'Na vôlta sòta a la pâgina di Cambiamèin a gh' êren tóti ch' al lètri lé ( mudéfica fâta dal spervêrs Tèstaquèdra) adèsa an só mìa al perchè în sparîdi.
S' et gh'ê di êter problêma dmânda che a 't pôs rispònder mé a pâs despès ché insém.
Un salót.
--Lévi 12:41, 25 ago 2009 (UTC)
Quând ét vō scréver a un utèint ch' al t'à bèlo scrét te schés insém al só nòm (ch' l' é bló) quând ét rîv insém a la só pâgina te schés insém a la linguèta discusiòun e pó insém a mudifichér e pó ét gh' incòl còl che t'é scrét. Gnînto per tót al rèst partés cun chêlma e pasînsia s' an t'ê mai scrét in dialèt sâpi ch' l' é cme imparêr a scréver 'na nōva léngua. Per impostêr al pâgini e tót al rèst bâsta cupiêr còl ch' a fân o àn fât chiêter. Cun la pasînsia a 's fa tót, ghuêrda quând t' arê imparê, al dialèt l'é un lavōr zò ed tèsta a 't ciâpa e a 't lêsa pió andêr vìa. Ah pó fîrma sèimper i tō scrét cm' a t' ó dét ché insém.--Lévi 15:35, 25 ago 2009 (UTC)
Gnînto grâsia. La tó pâgina la gh'é bâsta che té te scrév al nòm l'é a mansèina in dóve a gh' é scrét ricerca opòr sèimper a mansèina pió in êlta te schés dóve a gh' é scrét Ûltem cambiamèint cun còst a t' ét cât ind la pâgina dóve a gh' é l'elèinch ed j ûltem cambiamèin fât ind la nôstra Wikipedia l' é a 't vèd ânca còl che t' é fât. Per tót al lètri cun l' acèint e la esse cun la vîrgola sòta a gh' é tânt sistêma per catêri fōra in Word. Al pió fâcil l' é còst: t' ét vê in êlta dóve a gh' é scrét Inserisci l'é a 't cât Simbolo èco l'é dèinter a gh'é tōti al lètri ch ' ét sêrven. Mó agh n' é diêter di sistêma pió şvêlt mo l' é un pô lònga da spieghêrtel acsé, adèsa ét fâgh 'n' elèinch ed cm' a 's fa e pó t' al mèt ché insém. 'N' êter lavōr per imparêr cm' a 's fa a scréver l' arzân ché insém va a guardêr cla pâgina ché http://eml.wikipedia.org/wiki/Cme_scr%C3%A9ver_in_dial%C3%A8t_arz%C3%A2n, e pó s' an t' é mìa incòra fiachê ed dégh pó diêter lavōr, mó adèsa a fòm un pâs a la vôlta. Ah un lavōr s' ét vō vèder còl ch' ét fê sèinsa salvêr schésa Anteprémmaed fiânch a Salva--Lévi 19:04, 25 ago 2009 (UTC)
Oh Mavrési mó che Word drōvet? Mé a dégh còl ed la Microsoft s' l' é còst che versiòun éla?--Lévi 13:08, 26 ago 2009 (UTC)
Per fêr gnîr fōra al lètri cun l' acèint bisògna tgnir schisê al tâst Alt e fêr al nòmer ed la lètra oséia: Alt(t'al tîn schisê) + nòmer = lètra.
I nòmer în quisché:
â = Alt + 0226
ē = Alt + 0235
ô = Alt + 0244
ó = Alt + 0243
î = Alt + 0238
û = Alt + 0251
Per la ş e ĵ al sistema l'é divêrs oséia prema ét fê al nòmer e pó te schés Alt e pó x insèm, oséia: Nomer + Alt(t'al tîn schisê) + x = lètra
I nòmer în quisché:
ş = 015f + Alt + x
ĵ = 0135 + Alt + x
per al j êtri lètri: è-é-ò-à a t' i cât ind la tastêra
Al lavōr pió cômed l' é impustêr la tastêra, mó se té t' an cât la tabèla dal lètri specêli l'é un caşèin.--Lévi 14:40, 26 ago 2009 (UTC)
Ah, a j ò capî, mé cherdiva ch' ét druvés Office Word ed la Microsoft, té invêci ét drōv Wordpad ch' l' é 'na versiòun pió céca. In tóti al manēri a duvré gîr fōra ânca ch' al j êtri lètri. Ed fât cme t'ò dét? Oséia ét gh'ê da tgnîr schisê Alt mèinter ét fê i nòmer, mé a j ò pruvê égh sêlten fōra. Un lavōr che m'é gnû in mèint adès mó té, ind la tastêra, a gh'ét i nòmer ind al tasterèin a mansèina? Oséia i tâst cme 'na calcolatrîş? Perché s' an 't gh' ê mìa còl lé al j êtri lètri an vînen mìa fōra.
E pó, fōrsi, an n' é mìa cōlpa ed la tastêra s' ét sêlten mìa fōra, fōrsi l' é quistiòun ed mânegh. S'é ûn an maì tramplê cun ch' j ûşvej ché al fa un pô fadîga a tōr só al gîr.
In Wordpad, in tóti al manēri, la tabèla dal lètri specêli l' an gh'é mìa. Porta pasiĵnsia, intânt guêrda ânca cme funsiòuna tót al mecanîşem ed la Wikipedia, cm' a 's fa a mèter a pôst i tèst, mèter al fotografèi e via acsé. Per la pâgina che t'é fât apèina a gh' ò dêş minût ed tèimp é t' la sistêm mé, an preocupêret ch' an sucêd gnînt. Un cunséli, quând a t' é srê pió prâtich, e ét vō fêr 'na pâgina nōva và insém a la Wipedia in italiân ét cât 'na vōş ch' l' a 't piêş e pó ét fê 'na côpia t' ét la mèt in Word e pó pôch a la vôlta ed fê la tradusiòun. Ind al vōş italiâni agh'é bèlo ânca al fotograféi e pó ét vèd cm' în fâti. Guêrda ânca còli fât ind dialèt arzân acsé t' é rènd cûnt cm' a 's fa.--Lévi 18:58, 26 ago 2009 (UTC)
Eh lé pô un problêma capîr dóve te sbâli. Alōra i pasâg principêl în dû: té préma a té scrév al pès pó bisògna ch' a 't vâgh insém a Wikipedia a preparêr la pâgina dóve dôp ed còpi còl che t' é fât. Per preparêr la pâgina insèm Wiki bisògna che té scrév al nòm ed la vōş ind la caşèla ricerca dôp a té schés Vai a sêlta fōra 'na pâgina cun scret Risultati ricerca s' l' an gh'é mia a 'gh vîn scrét Crea la pagina(al nòm ed la vōş in ròs) su questo sito, te schés insém a la parôla ròsa e vîn fōra la pâgin cun in êlta al nòm ed la vōş, dôp a 't gh' incôl la pâgina che t'é fât cun Open Office, pó quând t' é fât al tót te schés Anteprémma ét jōst còl che gh'é da justêr quând per té a gh'é tót a pôst té schés Salva. Còst, in pôchi parôli, l'é còl che gh' é da fêr, pó cme t' ó dét l' é un problêma capîr dóve té sbâli. Per còl che riguêrda Open Office t' al vriva scréver iêr sîra mó a gh' îva prèsia e alōra am sûn scurdê. In tóti al manēri al và bèin ânca cól lé. An 'vèir prèsia a pubblichêr di pès impêra a môte al mecanîşem ed la Wiki, se mai và a fêr un gîr insém a còla in italiân perché còla là l'é pió complêta, in còsta a 'gh mânca al j istrusiòun, mó al sistêma l'é sèimper còl. A spêr d' èsrom spieghê. Gnînto an preocupêret mìa dmânda se al só a t' al dégh, a gh'é ânca al chêş ch' a 'gh mèta un pô a rispòndret perché mìa sèimper a sûn léber in tóti al manēri dmânda.--Lévi 18:53, 27 ago 2009 (UTC)