Dimenticare Venezia
|
C'l artìcul chè 'l è scrit in
Miranduléś |
 Dimenticare Venezia
| ||
 L'Eleonora Giorgi in na figùra dal film | ||
| Daśmindgàr Venèsia 1979 | ||
|---|---|---|
| Regìa: Franco Brusati | ||
| Scritōr: Franco Brusati • Jaja Fiastri | ||
| Atōr: Erland Josephson • Mariangela Melato David Pontremoli • Nerina Montagnani Eleonora Giorgi • Armando Brancia • Hella Petri | ||
| Müsica: Benedetto Ghiglia | ||
| Léngua: Itagliàṅ • Vènet • Francéś | ||
| Dürä dal film: 110 minüt | ||
| Nasiōṅ: Itàglia • Frància | ||
Dimenticare Venezia (Daśmindgàr Venèsia) 'l è 'n film dramàtic dal 1979 ad Franco Brusati, candidâ a i Prèmi Òscar cuma film furastēr.
Sunt
Nicky (Erland Josephson) al viṿ a Milàṅ c'n al sò muróś dimóndi più śōvan Sandro dit “Becalégn” (David Pontremoli). Un dè, insém a 'l sò amànt, al decìd 'd andàr a catàr sò surèla Marta (Hella Petri), èx cantànta lìrica, ch'la stà in na vila in dal Vènet insém a na vècia c'n un prinsìpi 'd artèria ch'la gh fà i fat in cà, la Caterina (Nerina Montagnani). In dla vila 'd campàggna i gh vìv'n anc n'anvōda dla cantànta, l’Anna (Mariangela Melato), e a la sò dóna ch'la fà la mistra, la Claudia (Eleonora Giorgi).
Al grup al decìd 'd andàr a far na gita a Venèsia par festegiàr tut insém ma la sira prima i s śònt'n a i òspit dal matrimòni dla fiōla 'd 'n èx amìg da pìcul ad Nicky, cal purcùs ad Rossino (Fred Personne). Durànt la serimògna la Marta la canta la Carmen ad Bizet ma pò la stà mâł e la mōr.
Dòp al funeràł Nicky al decìd 'd armàgn'r in dla cà di suo, méntar l’Anna e la Claudia i vàn'n a star a Milàṅ cun Sandro.