Desideri, voglie pazze di tre insaziabili ragazze

Da Wikipedia.

C'l artìcul chè 'l è scrit in Miranduléś Emiliàn

Alle Kätzchen naschen gern
Desideri, voglie pazze di tre insaziabili ragazze

L'Edwige Fenech in na figùra dal film
Deśidèri, vój fóra 'd tèsta ad tri ragàsi
ch'i n gh 'n aṅ mai abàsta

1969
Regìa: Jozef Zachar
Scritōr: Günther Heller • Kurt Nachmann
Atōr: Sieghardt RuppEdwige FenechHelen Vita
Ernst StankovskiAngelica OttBarbara Capell
Ernst WaldbrunnRalf WolterJoachim Hansen
Müsica: Gerhard Heinz
Léngua: Tedésc
Dürä dal film: 84 minüt
Nasiōṅ: Germàgna Òvest


«
Trat da i racònt spint 'd Honoré de Balzac.»
(Tagline dal film)


Desideri, voglie pazze di tre insaziabili ragazze (Deśidèri, vój fóra 'd tèsta ad tri ragàsi ch'i n gh 'n aṅ mai abàsta) l'è na cumèdia eròtica tedésca dal 1969 ad Jozef Zachar.

In Itàglia la pelìcula l'è stada distribuìda a 'l inìsi sōl p'r i grand in dal 1971 e pò incóra in dal 1978 cun 'n àtar tìtul, Piacere di donna.

Sunt

Al culunèl Delaroche (Sieghardt Rupp) e 'l cònt D'Alsay (Ernst Stankowski) i s lìtg'n al castèl ad Portillon parchè tut dū i dìśan 'd ès'r i pruprietàri. In dal méntar ch'un giùdas curót (Ernst Waldbrunn) al gh'à da decìd'r a chi dar-al, i dū i aṅ tirâ na riga rósa in dal mèś par spartìr-s-al pruviśòri. 'L ùnic quèl ch'i n pōlan mia sćiancàr in dū 'l è 'l majurdòm Philippe (Ralf Wolter) ch'al sarvìs in dal castèl.

I dū óm i èṅ anc di spurcaciòṅ patintâ e i próan sèmpar a gusàr-'s al lavandàri vìrgin ch'i gh pòrt'n i pagn, la Babette (Angelica Ott) e la Monique (Barbara Capell), ch'i vìv'n insém a sò sîna Ficquet (Ilse Peternell). Chi lē l'à bèla strulgâ 'n piàṅ par sistemàr-li, qvéla 'd dar-li in mujér a i dū óm acsè, ch'la finìsa pur cum la gh'à da finìr, al castèl al dvintarà 'n quèl ad famìja in tut al manéri.

Stuf ad spetàr al deciśiòṅ dal giùdas, ch'al la tira in lung par magnàr-'g insìma, Delaroche e D'Alsay i faṅ na scumésa su chi al gh la cavarà a dar dū cōlp par prim a 'l lavandàri, al vinsidōr al s tgnarà 'l castèl tut par lò. Purtròp par Delaroche da Parì a riva la sò muróśa, la Blanche (Edwige Fenech), ch'la s insfìlsa subìt in dal lèt. P'r a n andàr minga in a risć 'd èsar pò lòfi e spumpâ cun la lavandàra, al culunèl al s tira indrē. La Blanche la n la tōś briśa bèṅ e la s buta in di bras dal tenènt René (Ivan Nesbitt), anvōd dal cònt.

Culegamènt estéran