Deliria
|
C'l artìcul chè 'l è scrit in
Miranduléś |
 Deliria | ||
 Na figùra dal film | ||
| Delìria 1987 | ||
|---|---|---|
| Regìa: Michele Soavi | ||
| Scritōr: Lew Cooper | ||
| Atōr: David Brandon • Giovanni Lombardo Radice Richard Barkeley • Barbara Cupisti • Clain Parker Domenico Fiore • Robert Gligorov • Mickey Knox John Morghen • Sheila Goldberg • Lori Parrel | ||
| Müsica: Simon Boswell • Guido Anelli Stefano Mainetti | ||
| Léngua: Itagliàṅ • Ingléś | ||
| Dürä dal film: 90 minüt | ||
| Nasiōṅ: Itàglia | ||
Deliria (Delìria) 'l è 'n film ad scarésa dal 1987 ad Michele Soavi che chè 'l è al sò debùt. 'L è stâ prudót par Joe D'Amato e da lò muntâ anc in na manéra difarénta da quéla pinsàda da 'l regìsta, ch'al s cata sōl in dal marcâ ingléś.
Al tìtul pinsâ a 'l inìsi 'l éra quél 'd Aquarius. In di Stat Unî invéci 'l è cgnusû cuma Bloody Bird o Stagefright. Al film 'l à vins al prim prèmi a 'l Fèstival 'd Avoriaz del 1987.
Sunt
[mudéfica la surzéia]Na cumpagnìa 'd atōr 'l è drē a far al próvi 'd un spetàcul muśicàl a teàtar quànd a la prutagunìsta Alice (Barbara Cupisti) la gh s prila la férla. La sò amìga Betty (Ulrike Schwerk) la la pòrta a far-as védar, sénsa mutìṿ, in un manicòmi e, pròpria cla sira lè, un killer periculóś al scapa via da 'd là. Soquànti óri dòp la Betty la cata la mòrt ciapànd-as un pigòṅ in dla bóca.
Al regìsta Peter Collins (David Brandon) al decìd 'd andàr avànti listés e al sèra dènt'r al teàtar gl'atōr prinsipài, a n dand minga ascólt a i sò lamènt. Al prim at al và acsè in séna e in dla finsiòṅ la Corinne (Loredana Parrella) la gh'arév 'd èsar cupàda par Brett (Giovanni Lombardo Radice), ma a gh'è quèl ch'a traśa e lē la mōr dabòṅ.
Qvést chè 'l è sōl al prim ad na cadéna ad masamènt purtâ a cumpimènt da 'l psicupàtic ch'al pòrta adòs na mascra 'd un barbagiàṅ, al custùm che Brett al druàva in cal spetàcul lè.