Deepwater
|
C'l artìcul chè 'l è scrit in
Miranduléś |
 Deepwater
| ||
 Lucas Black in na figùra dal film | ||
| id. 2005 | ||
|---|---|---|
| Regìa: David S. Marfield | ||
| Scritōr: Matthew F. Jones • David S. Marfield | ||
| Atōr: Lucas Black • Peter Coyote • Mía Maestro Lesley Ann Warren • Michael Ironside • Kristen Bell Xander Berkeley • Jason Cerbone • Ben Cardinal | ||
| Müsica: Charlie Clouser | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî • Cànada | ||
Deepwater (id.) 'l è 'n thriller americàṅ e canadéś dal 2005 ad David S. Marfield, girâ in Cànada.
Sunt
Nat Banyon (Lucas Black) 'l è 'n śōv'n americàṅ che, dòp èsar vgnû fóra da na clìnica in du al s éra fat mét'r a pòst na gamba, al vrév andàr a star in dal Wyoming par tacàr 'n alevamènt ad strus. Dòp avēr fargâ na màchina spurtìva a 'n cliènt 'd un bar, al s mét in viàś incruśànd par strada 'n óm ch'l iva fat 'n incidènt, Herman Finch (Peter Coyote). Chi lò, par ringrasiàr-al d'l ajùt ch'al gh'à dâ, al gh śibìs ad lauràr par lò in dal mutèl ch'al gh'à in un pòst su 'n lâg ciamâ Deepwater.
Nat al gh'à pò la manéra 'd cgnósar la mujēr dimóndi più śōvna 'd Herman, la Iris (Mía Maestro). Dòp èsar finî a lèt sèg, chi lē la gh'admànda 'd scapàr via insém, purtànd-as via i bèsi 'd sò marè ch'l à muciâ sù faghénd di afâr muśnènt.