Deadly cargo - Terrore in mare aperto
|
C'l artìcul chè 'l è scrit in
Miranduléś |
 Cámara oscura
| ||
| Deadly cargo - Terrore in mare aperto | ||
 La Silke in na figùra dal film | ||
| Naṿ da càrag dla mòrt - Terōr in mâr avèrt 2003 | ||
|---|---|---|
| Regìa: Pau Freixas | ||
| Scritōr: Héctor Claramunt • Pau Freixas | ||
| Atōr: Andrés Gertrúdix • Josep Maria Domènech Silke • Héctor Claramunt • Juan Fernández Adrià Collado • Diana Lázaro • Lluís Homar Lluís Soler • Unax Ugalde • Mustafá Jawara | ||
| Müsica: Manel Gil-Inglada • Rudy Gnutti | ||
| Léngua: Spagnōl | ||
| Dürä dal film: 106 minüt | ||
| Nasiōṅ: Spaggna • Mèsic | ||
Deadly cargo - Terrore in mare aperto (Naṿ da càrag dla mòrt - Terōr in mâr avèrt) 'l è 'n thriller dal 2003 ad Pau Freixas ch'al 'l à anc scrit insém a Héctor Claramunt.
La pelìcula l'è stada giràda in Mèsic c'n un budget stimâ ad dū migliòṅ e quàtar 'd euro.
Sunt
La Sara (Silke) l'è na futógrafa in vacànsa in Sénegal. Un dè la decìd 'd andàr cun di àtar spagnōi, Iván (Unax Ugalde), Edgar (Andrés Gertrúdix), Víctor (Adrià Collado) e la sò mujér gravda Thais (Diana Lázaro), a far un gir in barca, guidàda p'r al masćèṅ ad culōr Drui (Mustafá Jawara).
Chi óm i vōlan far dgl'imersiòṅ e dònca i s śluntànan dimóndi da la riva. A n sèrt punt al grup al fà a mènt ch'a gh'è 'n cadàv'r in dl'àqua cun la góla tajàda ma, dòp ch'i 'l aṅ cargâ a bōrd, la barca la ciàpa fōg. Par furtùna che lè darènt a gh'è anc na naṿ da càrag ch'l'è drē a pasàr ma purtròp lè insìma a gh'è 'n grup ad marinàr sasèṅ ch'i aṅ fat fóra dū négar e ch'i èṅ insaplâ in un tràfic ad simi. I śōvan i èṅ custrét listés a muntàr sù p'r a n murìr minga fréd andgâ. Mént'r i èṅ lugâ in dla stiva, na póndga la mòrśga a la maṅ la Thais e la Sara e Víctor i decìdan 'd andàr a pascàr dal spìrit par diśinfetàr la frida.
P'r al fat ch'i mémbar d'l equipàǵ i 'l aṅ vist e p'r a n andàr minga in a risć ch'i vàg'n a pascàr-'l in gir bcand anc chi àtar, Iván al s cunségna da par lò. Al cmandànd dla naṿ (Lluís Homar) al 'l invìda a séna insém a chi àtar marinàr, Salomón (Juan Fernández), Mauro (Lluís Soler), Lince (Héctor Claramunt) e 'l cōg Antón (Josep Maria Domènech) ma pò al dà 'l órd'n ad butàr-'l in mâr insém a 'l cadàvar 'd sò mujér ch'l'éra andàda a pascàr-al.
Culegamènt estéran