Come l'acqua per il cioccolato
|
C'l artìcul chè 'l è scrit in
Miranduléś |
 Como agua para chocolate
| ||
| Come l'acqua per il cioccolato | ||
 La Cavazos e Leonardi in na figùra dal film | ||
| Cuma l'àqua par la ciuculàta 1992 | ||
|---|---|---|
| Regìa: Alfonso Arau | ||
| Scritōr: Laura Esquivel | ||
| Atōr: Lumi Cavazos • Marco Leonardi • Bo Hatch Regina Torné • Yareli Arizmendi • Ada Carrasco Mario Iván Martínez • Joaquín Garrido • Chester | ||
| Müsica: Leo Brouwer | ||
| Léngua: Spagnōl • Ingléś | ||
| Dürä dal film: 105 minüt | ||
| Nasiōṅ: Mèsic | ||
Come l'acqua per il cioccolato (Cuma l'àqua par la ciuculàta) 'l è 'n film dramàtic mesicàṅ dal 1992 'd Alfonso Arau trat da 'l rumànś „Dōls cuma la ciuculàta“ dla Laura Esquivel.
Quànd 'l è vgnû fóra 'l è dvintâ 'l film in léngua spagnōla ch'l à muciâ da piò in di Stat Unî, da piò ad vint-i-òṅ migliòṅ ad dòlar.
Sunt
In di prim an dal Nuvsènt in Mèsic la Tita de La Garza (Lumi Cavazos) l'è la fiōla più pìcula dla sgnōra Elena (Regina Torné). Gl'atri sò surèli i èṅ la Rosaura (Yareli Arizmendi), la più granda, e la Geltrude (Claudette Maillé).
Da quànd l'è nada su 'l tàvul dla cuśìna, pianśénd par 'l udōr fòrt dla sigóla, la Tita l'è carsùda cun la pasiòṅ dal far da magnàr par chi àtar, tulénd anc sù da la cōga, la Nacha (Ada Carrasco). Adès ch'l'è dvintàda na ragasōla la s mét insém a Pedro Muzquiz (Marco Leonardi) che però la n pōl minga spuśàr parchè in dal sò paéś a gh'è la tradisiòṅ ch'la vōl che l'ultma fiōla fémna l'armagnìs in cà a tgnir adrē a i sò vèć, in cal caś chè sōl a sò màdar parchè sò pàdar 'l è mòrt quànd incóra lē l'éra pìcula. P'r armàgn'r-ag davśèṅ in tut al manéri, Pedro al decìd ad tōr cuma mujér la Rosaura ma l’Elena la naśa incòsa e la i fà andàr a star da n'atra banda. A gh nas anc un putèṅ ma al mōr dagnóra subìt.
La Tita, dimóndi śò, la cata cunfòrt in di bras dal dutōr John Brown (Mario Iván Martínez). Quànd a mōr l’Elena la Tita e John i péns'n anc ad spuśàr-as ma la dóna la n à incóra daśmindgâ al sò Pedro.