Clasificasiòun internasionèl dal funsionamèint, dla diśabilitê e dla salùt

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

La pinsèda edl'ICF schematiśèda: eli influèinsi tra 'l cundisiòun 'd salùt e 'l performances da mèś a 'l situasiòun e ai agìnt, i prìlen in sérć e i s armìsćen con quèl ch'l è 'l ambiìnt e i fatōr personèl.

La Clasificasiòun internasionèl dal funsionamèint, dla diśabilitê e dla salùt ("International Classification of Functioning, Disability and Health" in ingléś), scurtê in ICF o ICFDH, l'è na clasificasiòun scrìta da l'OMS in dal 2001 per mètr ordin e clasifichèr el condisiòun ed salùt e 'd melfunsionamèint dal pèrti dal corp di cristiàṅ.
Insèm a ètri dû clasificasiòun, i ICD e l'ICHI, l'OMS la mèt órdin, dòp dimòndi próvi, ala clasificasiòun di grèd ed funsionamèint dal diferèinti perti dal corp.
L'ICF la vèd el funsionalitê e i melfunsionamèint cme in armisćiamèint e ch'i ciàpen dagli influèinsi col condisiòun ambientèli e personèli dal cristiàṅ ch'a s è drē a guardèr. E dòunca, la manéra 'd clasifichèr e 'd considerèr el diferèinti prestasiòun, l'armisćiarà anca questachè i diferèint funsionamèint fiśiològic dla persòuna col dificoltê o 'l facilitasiòun ambientèli indû chelò 'l s cata.
Tut i an l'OMS la giusta la Clasificasiòun e la la mèt a dispośisiòun. In Itàglia i agiornamèint i s caten in dal "Portale italiano delle classificazioni sanitarie".[1]

In dal 2007 a in gniva fóra la versiòun ICF-CY, a dìr for children and youth, ch'la descòr di putèin e di ragàs.[2]

«
The ICF-CY is intended for use by clinicians, educators, policy-makers, family members, consumers and researchers to document characteristics of health and functioning in children and youth. The ICF-CY offers a conceptual framework and a common language and terminology for recording problems manifested in infancy, childhood and adolescence involving functions and structures of the body, activity limitations and participation restrictions, and environmental factors important for children and youth. With its emphasis on functioning, the ICF-CY can be used across disciplines, government sectors and national boundaries to define and document the health, functioning and development of children and youth.»
(EN)(Introdusiòun a 'l Manuèl edl'ICF-CY dal 2007.)
«
L'ICF-CY l'è stèda pinsèda perchè ch'i la dróven i dutōr, i educadōr, quī ch'a fà 'l lēś, i famiglièr, i consumadōr e i arsercadōr per documentèr el caraterìstichi ed salùt e 'd funsionamèint di putèin e in di ragàs. L'ICF la śibìs na clasificasiòun e na manéra comùn ed ciamèr i lavōr per registrèr i probléma gnû fóra 'd lung a l'infàṅsia e l'adolesìnsia ch'a riguèrda 'l funsionamèint e 'l strutùri dal corp, el limitasiòun agli ativitê e 'l restrisiòun ala partecipasiòun, e i fatōr ambientèl inportànt pr i putèin e i ragàs. Con l'inportànsa che l'ICF -CY la dà ai funsionamèint, l'ICF-CY la s pōl druèr a cavàl dal disiplìni, i setōr dal guèren e i cunfìn nasionē per parlèr dla salùt e documentèrla, documentèr al funsionamèint e 'l śvilùp di putèin e di ragàs.»

Vōś lighèdi

Referèinsi

Colegamèint estèren