Cimitero vivente 2
|
C'l artìcul chè 'l è scrit in
Miranduléś |
 Pet Sematary II
| ||
| Cimitero vivente 2 | ||
 Edward Furlong e la Fluegel in na figùra dal film | ||
| Simitèri vivènt 2 1992 | ||
|---|---|---|
| Regìa: Mary Lambert | ||
| Scritōr: Stephen King • Richard Outten | ||
| Atōr: Edward Furlong • Clancy Brown • Jared Rushton Anthony Edwards • Jared Rushton • Darlanne Fluegel | ||
| Müsica: Mark Governor | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî | ||
Cimitero vivente 2 (Simitèri vivènt 2) 'l è 'n film ad scarésa americàṅ dal 1992 dla Mary Lambert ispirâ a 'n rumànś ad Stephen King. La pelìcula, séguit ad Cimitero vivente dal 1989, 'l à fat sù da piò ad darsèt migliòṅ ad dòlar.
In dla culòna sunóra dal film a gh'è 'n braṅ dal grup di Ramones: Poison Heart.
Sunt
Jeff Matthews (Edward Furlong) 'l è 'n ragàs americàṅ ad tréd'ś an ch'al patìs la mòrt ad sò màdar, l'atōra Renee Hallow (Darlanne Fluegel), ch'la gh'à 'n incidènt su 'l set dal film in du l'éra drē a recitàr. Insém a sò pàdar, al vererinàri Chase (Anthony Edwards), al spatìna a Ludlow, al paiśèṅ dal Maine ch'l iva dâ i nadài a sò màdar.
In cla sitadìna lè Jeff al gh'à 'n rapòrt difìcil cun cal brut grintèṅ ad Clyde Parker (Jared Rushton) ma 'l dvènta amìg ad Drew Gilbert (Jason McGuire), un ragàs ch'al li ciàpa da 'l sò padrìgn, al sierìf Gus Gilbert (Clancy Brown), minga diféś da sò màdar, l’Amanda (Lisa Waltz).
Na nòt al caṅ ad Drew al s davśìna a 'l ciûś di cunèṅ ad Gus che, par difénd'r-i, 'l al masa sénsa pinsàr-ag dū vòlti. Dastrùt par la sò mòrt, Drew al dmanda a Jeff ad tgnir-'g adrē in dal méntar ch'al và a saplìr-'l in dal campsànt ad Micmac, ch'a s diś ch'al bèsti saplìdi lè i pòsan turnàr in vita.