Castèl di Pic

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Al castèl di Pic in fa fóto dna cartulìna dal 1963


Al castèl di Pic 'l è 'n castèl ch'al s cata in dal sèntar stòric ad la Miràndla, in pruìnsa 'd Mòdna.

Rócafòrt gnusuda in Európa, ch'a s dgiva ch'a n s pudiva minga torla-la[1], l'éra 'n bèṅ dal caśâ di Pic ch'l'iva regnâ su Miràndla e la basa mudnéśa par quàtar sécui (1311-1711).

Al castèl, ch'al dòmina la longa piasa dla Custituènt e i viài alberâ dla Circuvalasiòṅ (fat tirànd śò al muradùri antìghi in dal cōrs dal XIX sécul), 'l è stâ restaurâ in dal 2006 dòp dimóndi an ch'l éra stâ bandunâ, ma pò 'l à patî dimóndi dan da 'l taramòt in dla Basa Mudnéśa e in dal Fraréś dal 2012 turnàd a ès'r incóra inagìbil[2]. In dal cōrs dal tèmp cla custrusiòṅ chè l'è bruśàda soquànti vòlti, cuma in d'l an 1267[3], e l'è stada vitma dna daśgràsia in dal 1714 quànd na silta l'à culpî la sò tór ch'l'è saltàda p'r ària parchè pîna 'd espluśìṿ[4].

Al castèl di Pic, insém a 'l palàs cumunàł, 'l è 'n sìmbul dimóndi impurtànt dla sitadìna 'd Miràndla.

Nòti

  1. Mo ag bèi castèi: róchi e castèi da viśitàr a Mòdna e pruìnsa La Gazzetta di Modena, 15 ad Żugn dal 2015
  2. Mōv'r-as fra stòria e tradisiòṅ Castelli di Modena, 8 'd Agóst dal 2014
  3. La Sgnurìa di Pic Al Barnardon, 7 ad Favràr dal 2016
  4. 'L 11 ad Żugn dal 1714 l'espluśiòṅ dal Castèl di Pic ch'l'iva dastrùt par bòna part Miràndla Sul Panaro.net, 15 ad Żugn dal 2015