Casey Affleck

C'l artìcul chè 'l è scrit in Miranduléś

Caleb Casey McGuire Affleck-Boldt (Falmouth, 12 'd Agóst dal 1975), cgnusû méj cuma Casey Affleck, 'l è 'n atōr, senegiadōr e regìsta americàṅ.

In dla sò caréra 'l è stâ candidâ a 'l Prèmi Òscar in dal 2008 cuma atōr minga prutagunìsta p'r al film L'assassinio di Jesse James per mano del codardo Robert Ford girâ insém a Brad Pitt.

'L è spuśâ cun la Summer Phoenix, surèla ad Joaquin Phoenix prutagunìsta in dal 2010 'd un ducumentàri girâ da lò, Joaquin Phoenix - Io sono qui!. Al gh'à 'n fradèl ch'al fà 'l atōr anc lò, Ben Affleck, più vèć ad tri an.

Biugrafìa

Nâ in Massachusetts, da ragàs al stùddia a la George Washington University e pò fìśica e astrunumìa a la Columbia University. Dòp soquànt lavōr par la televiśiòṅ, in dal 1995 al gira 'l sò prim film, Da morire ad Gus Van Sant. Su 'l set al rècita cun la Nicole Kidman e cun Joaquin Phoenix ch'al gh fà cgnósar sò surèla Summer ch'la dvintarà prima la sò muróśa e pò sò mujér in dal 2006.

Insém a sò fradèl Ben Affleck al gira In cerca di Amy e pò Will Hunting - Genio ribelle. In dal 1999 al vèṅ ciamâ par dū cumèdi su i śōvan, 200 Cigarettes e American Pie ma 'l sucès par lò a riva 'l an dòp cun Lui, lei e gli altri. In dal 2001 al gira 'l prim di sò tri film cun Steven Soderbergh, Ocean's Eleven - Fate il vostro gioco, gl'àt'r i saràṅ Ocean's Twelve (2004) e Ocean's Thirteen (2007). Al tórna a lauràr cun Gus Van Sant in Gerry dal 2002 in dua 'l firma anc la senegiadùra.

In dal 2007 al và a 'n pas da 'l Prèmi Òscar faghénd la part ad Robert Ford in L'assassinio di Jesse James per mano del codardo Robert Ford. In dal 2010 al preśénta 'l sò prim film a 'l Fèstival ad Venèsia, un ducumentàri su sò cugnâ, Joaquin Phoenix - Io sono qui!. In dal stés an 'l è 'l prutagunìsta dla pelìcula The Killer Inside Me d'l ingléś Michael Winterbottom.

Filmugrafìa

Cuma atōr

1995 - Da morire (To Die For), regìa ad Gus Van Sant
1996 - In corsa con il sole (Race the Sun), regìa ad Charles T. Kanganis
1997 - In cerca di Amy (Chasing Amy), regìa ad Kevin Smith
1997 - Will Hunting - Genio ribelle (Good Will Hunting), regìa ad Gus Van Sant
1998 - Desert Blue, regìa ad Morgan J. Freeman
1999 - 200 Cigarettes, regìa dla Risa Bramon Garcia
1999 - American Pie, regìa ad Paul Weitz
2000 - Chi ha ucciso la signora Dearly? (Drowning Mona), regìa ad Nick Gomez
2000 - Lui, lei e gli altri (Committed), regìa dla Lisa Krueger
2000 - Hamlet 2000 (Hamlet), regìa ad Michael Almereyda
2001 - Ocean's Eleven - Fate il vostro gioco (Ocean's Eleven), regìa ad Steven Soderbergh
2001 - American Pie 2, regìa ad James B. Rogers
2001 - Soul Survivors - Altre vite (Soul Survivors), regìa ad Stephen Carpenter
2002 - Gerry, regìa ad Gus Van Sant
2004 - Ocean's Twelve, regìa ad Steven Soderbergh
2005 - Lonesome Jim, regìa ad Steve Buscemi
2006 - The Last Kiss, regìa ad Tony Goldwyn
2007 - Ocean's Thirteen, regìa ad Steven Soderbergh
2007 - L'assassinio di Jesse James per mano del codardo Robert Ford (The Assassination of Jesse James by the Coward Robert Ford), regìa 'd Andrew Dominik
2007 - Gone Baby Gone, regìa ad Ben Affleck
2010 - Joaquin Phoenix - Io sono qui! (I'm Still Here), regìa ad Casey Affleck
2010 - The Killer Inside Me, regìa ad Michael Winterbottom
2011 - Tower Heist - Colpo ad alto livello (Tower Heist), regìa ad Brett Ratner
2012 - ParaNorman, regìa ad Sam Fell e Chris Butler (2012) - vóś
2013 - Senza santi in paradiso (Ain't Them Bodies Saints), regìa ad David Lowery
2013 - Il fuoco della vendetta - Out of the Furnace (Out of the Furnace), regìa ad Scott Cooper
2014 - Interstellar, regìa ad Christopher Nolan
2016 - L'ultima tempesta (The Finest Hours), regìa ad Craig Gillespie
2016 - Codice 999 (Triple 9), regìa ad John Hillcoat

Da regìsta

2010 - Joaquin Phoenix - Io sono qui!

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su Casey Affleck
Wikimedia Commons contiene file multimediali su Casey Affleck